ନୂଆଦିଲ୍ଲୀ: ବର୍ତ୍ତମାନ ବିଶ୍ଵ କ୍ରିକେଟରେ ସବୁଠାରୁ ଘାତକ ବୋଲର କିଏ? ଏନେଇ ସାର୍ ଭିଭିଆନ୍ ରିଚାର୍ଡସ ଏକ ବଡ ବିବୃତ୍ତି ଦେଇଛନ୍ତି। ସେ ବିପଜ୍ଜନକ ପୂର୍ବତନ କିମ୍ବଦନ୍ତୀ ବୋଲର ମଲକମ୍ ମାର୍ଶଲଙ୍କୁ ମନେ ପକାଉଛନ୍ତି। ପ୍ରକାଶ ଯେ, ମଲକମ୍ ମାର୍ଶଲ ଦୁନିଆର ସବୁଠାରୁ ବିପଜ୍ଜନକ ବୋଲର ଥିଲେ। 70-80 ଦଶକ ଏବଂ 90 ଦଶକ ପ୍ରାରମ୍ଭରୁ ମଲକମ୍ ମାର୍ଶଲଙ୍କ ବୋଲିଂକୁ ସାମ୍ନା କରିବା କୌଣସି ବ୍ୟାଟରଙ୍କ ପାଇଁ କଷ୍ଟସାଧ୍ୟ ଥିଲା। ବିଶ୍ୱ କ୍ରିକେଟ୍ ଆଜି ପର୍ଯ୍ୟନ୍ତ ତାଙ୍କ ଭଳି ବୋଲରଙ୍କୁ ପାଇନାହିଁ, କିନ୍ତୁ ବିଶ୍ୱର ସର୍ବଶ୍ରେଷ୍ଠ ବ୍ୟାଟ୍ସମ୍ୟାନ୍ ଭିଭିଆନ୍ ରିଚାର୍ଡସ୍ ବର୍ତ୍ତମାନର କ୍ରିକେଟ୍ ର ଜଣେ ବୋଲରଙ୍କ ନାମ ନେଇଛନ୍ତି, ଯାହାଙ୍କୁ ଦେଖି ତାଙ୍କର ମାଲକମ୍ ମାର୍ଶଲଙ୍କ ମନ ପଡେ।
ସାଇରସ୍ ସେସ୍ ୟୁଟ୍ୟୁବ୍ ଚ୍ୟାନେଲକୁ ଭିଭିଆନ୍ ରିଚାର୍ଡସ ସେହି ବୋଲରଙ୍କ ବିଷୟରେ ନିଜର ମତ ଦେଇଛନ୍ତି। ଭିଭିଆନ୍ ଭାରତର ଜସପ୍ରୀତ ବୁମ୍ରାଙ୍କୁ ମାଲକମ୍ ମାର୍ଶଲଙ୍କ ସହ ତୁଳନା କରିଛନ୍ତି। ସାଇରସ୍ ସେସ୍ ୟୁଟ୍ୟୁବ୍ ଚ୍ୟାନେଲରେ ଭିଭିଆନ୍ ରିଚାର୍ଡସ କହିଛନ୍ତି ଯେ, “ମାଲକମ୍ ମାର୍ଶଲଙ୍କ ପରି ବୁମରା ବିପଦପୂର୍ଣ୍ଣ ମନେହୁaନ୍ତି। ତାଙ୍କର ଦ୍ରୁତ ବୋଲିଂ ମୋତେ ମଲକମ୍ ମାର୍ଶଲଙ୍କୁ ମନେ ପକାଇଥାଏ।” ମାଲକମ୍ ମାର୍ଶଲ ତାଙ୍କ ଟେଷ୍ଟ କ୍ୟାରିୟରରେ 81 ଟି ମ୍ୟାଚ୍ ଖେଳି ମୋଟ 376 ୱିକେଟ୍ ନେବାରେ ସଫଳ ହୋଇଥିଲେ। ସେ 136 ଟି ODI ମ୍ୟାଚ୍ ଖେଳିଥିଲେ ଏବଂ ଏହି ସମୟ ମଧ୍ୟରେ ସେ ତାଙ୍କ ଖାତାରେ 157 ୱିକେଟ୍ ନେଇଥିଲେ।
