ଭୁବନେଶ୍ବର: ଆଜି ହେଉଛି ଉତ୍କଳ ଦିବସ ବା ଓଡିଶା। ଏହି ଦିବସରେ ଓଡିଶା ସ୍ବତନ୍ତ୍ର ରାଜ୍ୟ ଭାବେ ଗଠନ ହୋଇଥିଲା। ଏହି ଦିନ ଓଡିଶାରେ ବହୁ ପ୍ରତିକ୍ଷୀତ ଆୟୁଷ୍ମାନ ଭାରତ ଲାଗୁ ହେବ ବୋଲି ଘୋଷଣା କରାଯାଇଥିଲା। ହେଲେ ତାହା ଲାଗୁ ହୋଇପାରିବ କି ନାହିଁ ତାହା ସନ୍ଦେହ ଘେରରେ ଥିଲା। କାରଣ ଏହି ଯୋଜନା ପାଇଁ ଯେଉଁ ପଦକ୍ଷେପ ଗ୍ରହଣ କରାଯିବା କଥା ତାହା ହୋଇପାରି ନ ଥିଲା।
ତେବେ ସେହି ସନ୍ଦେହକୁ ଆଜି ଦୂର କରିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ। ଆଜି କଟକ ସତ୍ୟଭାମାପୁରରେ ଆୟୋଜିତ ରାଜ୍ୟ ସ୍ତରୀୟ ଓଡିଶା ଦିବସରେ ସେ ଏକ ଘୋଷଣା କରିଛନ୍ତି। ତାହା ହେଲା ଯେ, ସାରା ରାଜ୍ୟରେ ଆଉ ଦୁଇ ସପ୍ତାହ ମଧ୍ୟରେ ଏହା ଲାଗୁ କରାଯିବ ବୋଲି ସେ କହିଛନ୍ତି।
Tags: ଆୟୁଷ୍ମାନ ଭାରତ
