ନୂଆଦିଲ୍ଲୀ: ଉତ୍ତରପ୍ରଦେଶର ଅଯୋଧ୍ୟାରେ ରାମ ମନ୍ଦିରରେ ରାମ ନବମୀ ଅବସରରେ ରାମ ଲାଲାଙ୍କ ସୂର୍ଯ୍ୟ ତିଲକ କରାଯିବ। ଏହି ପରିପ୍ରେକ୍ଷୀରେ ବହୁ ସଂଖ୍ୟକ ଭକ୍ତ ରାମ ମନ୍ଦିରରେ ପହଞ୍ଚିଛନ୍ତି ଏବଂ ସେମାନେ ରାମ ଲାଲାଙ୍କ ସୂର୍ଯ୍ୟ ତିଲକର ମୁହୂର୍ତ୍ତର ସାକ୍ଷୀ ହେବାକୁ ଚାହୁଁଛନ୍ତି।
ଜାଣନ୍ତୁ କାର୍ଯ୍ୟସୂଚୀ:
ରାମ ଲାଲାଙ୍କ ସୂର୍ଯ୍ୟ ତିଲକ ସକାଳ ୯.୩୦ ରୁ ୧୦.୩୦ ପର୍ଯ୍ୟନ୍ତ ହେବ। ରାମଲାଲାଙ୍କୁ ଅଭିଷେକ କରାଯିବ। ଏହା ପରେ, ସକାଳ ୧୦.୩୦ ରୁ ୧୦.୪୦ ପର୍ଯ୍ୟନ୍ତ ପରଦା ପଡିବ। ସକାଳ ୧୦.୪୦ ରୁ ୧୧.୪୫ ପର୍ଯ୍ୟନ୍ତ ପରଦା ଖୋଲା ହେବ। ସକାଳ ୧୧.୪୫ ରେ ଭୋଗ ଲାଗିବ ଯେଉଁ ସମୟରେ ପରଦା ପଡିବ। ଶ୍ରୀ ରାମ ଲାଲା ମଧ୍ୟାହ୍ନ ୧୨.୦୦ ରେ ଜନ୍ମ ହେବେ।
ଏହି ସମୟ ମଧ୍ୟରେ ଆରତୀ ଏବଂ ସୂର୍ଯ୍ୟ-ତିଲକ ରହିବ। ରାମ ମନ୍ଦିର ଟ୍ରଷ୍ଟ ପକ୍ଷରୁ ସୂଚନା ଦିଆଯାଇଛି ଯେ, ଭୁବନ ଭାସ୍କର ସୂର୍ଯ୍ୟ କିରଣ ରାମଲାଲାଙ୍କ କପାଳକୁ ଆଲୋକିତ କରିବେ। ନିଜ କୁଳରେ ଜନ୍ମ ହେଉଥିବା ରାମଲାଲାଙ୍କୁ ସୂର୍ଯ୍ୟ ନାରାୟଣ ତିଲକ ପ୍ରୟୋଗ କରିବେ।
ରାମ ମନ୍ଦିର ଟ୍ରଷ୍ଟ କଛି ଯେ, ଆପଣ ନିଜ ଘରେ ଟେଲିଭିଜନରେ ଏହି ପୁରା କାର୍ଯ୍ୟକ୍ରମକୁ ଉପଭୋଗ କରିପାରିବେ।
