ଭୁବନେଶ୍ବର: ବର୍ତ୍ତମାନ ଭି କେ ପାଣ୍ଡିଆନଙ୍କ ବିରୋଧରେ ଏକ ସ୍ବର ଉତ୍ତୋଳନ ଆରମ୍ଭ ହୋଇଛି। ଆଜି ନବୀନ ନିବାସରେ ବିଜେଡି କର୍ମିମାନେ ପାଣ୍ଡିଆନ ହଟାଅ ବିଜେଡି ବଞ୍ଚାଅ ବୋଲି ସ୍ଲୋଗାନ ଦେଇଥିଲେ। ତା ପୂର୍ବରୁ ସାଂସଦ ଦେବାଶିଷ ସାମନ୍ତରାୟ ପାଣ୍ଡିଆନକୁ ଟାର୍ଗେଟ କରିଛନ୍ତି। ସେ କହିଛନ୍ତି ଯେ, ୱାକଫ ବିଲ୍ ଷଢଯନ୍ତ୍ର ପଛରେ ଅଛନ୍ତି ପାଣ୍ଡିଆନ। ତାଙ୍କ ନିର୍ଦ୍ଦେଶରେ ଏପରି ହୋଇଛି।
ଏହାକୁ ନେଇ ସାଂସଦ ମାନସ ମଙ୍ଗରାଜ ତାଙ୍କ ଟୁଇଟରେ ଦେବାଶିଷଙ୍କୁ ସମାଲୋଚନା କରିଛନ୍ତି। ସେ କହିଛନ୍ତି ଯେ, “ଏହା ଅତ୍ୟନ୍ତ ଦୁର୍ଭାଗ୍ୟଜନକ ଯେ ମୋର ରାଜ୍ୟସଭା ସହଯୋଗୀ ଶ୍ରୀ ଦେବାଶିଷ ସାମନ୍ତରାୟ ଶ୍ରୀ ଭିକେ ପାଣ୍ଡିଆନଙ୍କୁ ୱାକଫ ବିଲ୍ ନିଷ୍ପତ୍ତି ଉପରେ ସମାଲୋଚନା କରିଛନ୍ତି, ଯଦିଓ ପାଣ୍ଡିଆନ 10 ମାସ ପୂର୍ବରୁ ରାଜନୀତିରୁ ଅବସର ନେଇସାରିଛନ୍ତି ଏବଂ କୌଣସି ବୈଠକ କିମ୍ବା ରାଜନୈତିକ କାର୍ଯ୍ୟକଳାପରେ ଅଂଶଗ୍ରହଣ କରୁନାହାଁନ୍ତି। ହେଲେ ତାଙ୍କ ନାମ ସେ ନେଇଛନ୍ତି।
ଆମର ଜଣେ ନେତା ଅଛନ୍ତି, ଶ୍ରୀ ନବୀନ ପଟ୍ଟନାୟକ, ଯିଏ ଆମ ଦଳର ସଭାପତି ଏବଂ ସମସ୍ତ ବିଷୟରେ ଚୂଡ଼ାନ୍ତ ନିଷ୍ପତ୍ତି ନିଅନ୍ତି। ଯଦି ଆମର କୌଣସି ଅଭିଯୋଗ କିମ୍ବା ଚିନ୍ତା ଥାଏ, ତେବେ ଏହାକୁ ଦଳୀୟ ଫୋରମରେ ଉଠାଇବା ସର୍ବଦା ଉପଯୁକ୍ତ। ଗତ କିଛି ଦିନ ମଧ୍ୟରେ ଅନେକ ବରିଷ୍ଠ ନେତା ମଧ୍ୟ ସେହିପରି କରିଥିଲେ। ଶ୍ରୀ ସାମନ୍ତରାୟ ଏହାକୁ ଅନୁସରଣ କରିବା ପରିବର୍ତ୍ତେ ଗଣମାଧ୍ୟମକୁ ଯାଇ ଦଳୀୟ ରାଜନୀତିରେ ନଥିବା ବ୍ୟକ୍ତିଙ୍କ ବିରୁଦ୍ଧରେ କଥାବାର୍ତ୍ତା କରିବା, କିଛି ନ୍ୟସ୍ତ ସ୍ୱାର୍ଥ ଦ୍ୱାରା ଭୁଲ ଉଦ୍ଦେଶ୍ୟ ପ୍ରଦର୍ଶନ କରୁଛି।”
