ଭୁବନେଶ୍ବର: ଗତକାଲି ଖୋଦ ବିଜେଡି ସୁପ୍ରିମୋ ନବୀନ ପଟ୍ଟନାୟକ ପୂର୍ବତନ ବିଧାୟକ ପ୍ରଭାତ ତ୍ରିପାଠୀଙ୍କୁ ନେଇ ଯାହା କହିଲେ ତାହାକୁ ନେଇ ଆଜି ବିସ୍ପୋରଣ କରିଛନ୍ତି ସେ। ସିଧାସିଧା ସେ ନବୀନ ଓ ପାଣ୍ଡିଆନଙ୍କୁ ଟାର୍ଗେଟ କରିଛନ୍ତି। ଏକ ସାମ୍ବାଦିକ ସମ୍ମିଳନରେ ସେ କହିଛନ୍ତି, ଗତକାଲି ନବୀନ ମୋ ସଂପର୍କରେ ଯାହା କହିଲେ ତାହା ମିଛ। ତାଙ୍କ ମୁହଁରେ ପାଣ୍ଡିଆନ ମିଛ କୁହାଇଛନ୍ତି ବୋଲି ଶ୍ରୀ ତ୍ରିପାଠୀ କହିଛନ୍ତି।
ଗତକାଲି ନବୀନ ପ୍ରଭାତ ତ୍ରିପାଠୀ ଦଳର କିଛି ନୁହଁନ୍ତି, ସେ ଚିଟଫଣ୍ଡ ଦୁର୍ନିତିରେ ଜେଲ ଯାଇଥିଲେ, ତାଙ୍କୁ ଦଳ ବହିସ୍କାର କରିଛି। ତାହାର ଯବାବରେ ଶ୍ରୀ ତ୍ରିପାଠୀ କହିଛନ୍ତି ଯେ, ନବୀନ ମିଛ କହିଛନ୍ତି। ମୋର ଚିଟ ଫଣ୍ଡ ସଂପୃକ୍ତି ନେଇ ରାୟ ପ୍ରକାଶ ପାଇ ନାହିଁ। ମୁଁ ଦୋଷି କି ନାହିଁ ତାହା ଜଣାପଡି ନାହିଁ। ସେଥିପାଇଁ ଦଳ ମୋତେ ଯେଉଁ ନିଲମ୍ବନ କରିଥିଲା ତାହା ପ୍ରତ୍ୟାହାର କରିଦେଇଛି।
ଏହାପରେ 2019 ମସିହା ନିର୍ବାଚନ ବେଳେ ମୁଁ ନବୀନଙ୍କ ସହିତ ଗୋଟିଏ ମଞ୍ଚରେ ପ୍ରଚାର କରିଛି। ସେହିପରି ମୁଁ ଗତ ନିର୍ବାଚନରେ ଦଳ ପାଇଁ ମଧ୍ୟ ପ୍ରଚାର କରିଛି। ନବୀନଙ୍କ ଦ୍ବିତୀୟ କ୍ଷମତା କେନ୍ଦ୍ର କୁହାଯାଉଥିବା ବ୍ୟକ୍ତି ମୋତେ ମଧ୍ୟ ସଭାରେ ବେଶ ପ୍ରଶଂସା ମଧ୍ୟ କରିଛନ୍ତି। ତେଣୁ ଏତେସବୁ ପରେ ମୁଁ କିପରି ଦଳରେ ନାହିଁ ବୋଲି ନବୀନ କହିଲେ ମୋତେ ଆଶ୍ଚର୍ଯ୍ୟ କରିଛି ବୋଲି ସେ କହିଛନ୍ତି।
ୱାକଫ ବିଲ ଭୋଟିରେ କରିଥିବା ଭୁଲକୁ ଲୁଚାଇବା ପାଇଁ ମୋତେ ନିଶାନା କରାଯାଇଛି ବୋଲି ଶ୍ରୀ ତ୍ରିପାଠୀ କହିଥିଲେ।
