ଚୀନ୍ର ଏକ ଗ୍ୟାସ୍ ପ୍ଲାଣ୍ଟରେ ବିସ୍ଫୋରଣ ଘଟି 10 ଜଣଙ୍କ ମୃତ୍ୟୁ ହୋଇଥିବା ବେଳେ 19 ଜଣ ଆହତ ହୋଇଛନ୍ତି । ଶୁକ୍ରବାର ଚୀନ୍ର ୟିମା ସହରରେ ଏହି ବିସ୍ଫୋରଣ ଘଟିଥିବା ବେଳେ ଶନିବାର ସ୍ଥାନୀୟ ଗଣମାଧ୍ୟମରେ ଏହି ଖବର ପ୍ରକାଶ ପାଇଛି । ସିସିଟିଭି ରିପୋର୍ଟ ଅନୁଯାୟୀ 5 ଜଣଙ୍କର କୌଣସି ପତ୍ତା ମିଳିନାହିଁ । ପ୍ରାପ୍ତ ସୂଚନା ଅନୁଯାୟୀ ଗ୍ୟାସ୍ ଷ୍ଟେସନ୍ରୁ 500 ମିଟର ଦୂରରେ ରହିଥିବା ଜନବସତି ମଧ୍ୟ ପ୍ରଭାବିତ ହୋଇଥିଲା । ଘର ଗୁଡିକର କାଚ ଝରକା ଭାଙ୍ଗି ଯାଇଥିବା ନେଇ ସୂଚନା ପ୍ରକାଶ ପାଇଛି । 1997 ମସିହାରେ ସ୍ଥାପନ ହୋଇଥିବା ହେନାନ୍ ଗ୍ୟାସ୍ କୋ ଲିମିଟେଡ୍ରେ 87ଟି ପ୍ଲାଣ୍ଟ ରହିଥିବା ବେଳେ 1200ରୁ ଅଧିକ କର୍ମଚାରୀ କାର୍ଯ୍ୟ କରୁଛନ୍ତି । ଏହି ଘଟଣା ପୂର୍ବରୁ ହେନାନ୍ରେ ବିସ୍ଫୋରଣ ଘଟି 18 ଜଣଙ୍କର ମୃତ୍ୟୁ ଘଟିଥିଲା ।
