ପଞ୍ଜାବର ମୁଖ୍ୟମନ୍ତ୍ରୀ କ୍ୟାପେଟନ୍ ଅମରିନ୍ଦର ସିଂହ ନଭଜୋତ୍ ସିଂହ ସିଦ୍ଧୁଙ୍କ ଇସ୍ତଫା ପତ୍ରକୁ ସ୍ବୀକାର କରିଛନ୍ତି।ପଞ୍ଜାବର ରାଜ୍ୟପାଳ ବିଜେନ୍ଦ୍ର ପାଲ୍ ସିଂହ ବଦନୋର୍ଙ୍କ ପାଖକୁ ମଞ୍ଜୁରୀ ପାଇଁ ସିଦ୍ଧୁଙ୍କ ଇସ୍ତଫା ପତ୍ର ପଠାଇଛନ୍ତି।ପଞ୍ଜାବର କ୍ୟାବିନେଟ୍ରୁ ସିଦ୍ଧୁ କିଛି ଦିନ ପୂର୍ବରୁ ଇସ୍ତଫା ଦେଇଥିଲେ।ଗତ ମାସରେ ନଭଜୋତ ସିଂହ ସିଦ୍ଧୁ ନୂଆଦିଲ୍ଲୀଠାରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ୍ ଗାନ୍ଧି ଓ ମହାସଚିବ ପ୍ରିୟଙ୍କା ଗାନ୍ଧିଙ୍କ ସହ ସାକ୍ଷାତ କରି ତାଙ୍କ ସ୍ଥିତି ସମ୍ପର୍କରେ ଅବଗତ କରାଇବା ସହ ଏକ ପତ୍ର ଦେଇଥିଲେ।ସେହିପରି ରାହୁଲ୍ ଗାନ୍ଧିଙ୍କୁ ନିଜ ପଦବୀରୁ ଇସ୍ତଫା ନେଇ ମଧ୍ୟ ଏକ ପତ୍ର ଦେବା ସହିତ ଜୁନ୍ ୧୦ରେ ସେ ତାଙ୍କ ଇସ୍ତଫା ପତ୍ରକୁ ଟୁଇଟ୍ କରିଥିଲେ।
Tags:
