ନୂଆଦିଲ୍ଲୀ: ପହଲଗାମ ଆକ୍ରମଣ ହେତୁ ପ୍ରଧାନମନ୍ତ୍ରୀ ମୋଦୀ ଆଜି ରାତିରେ ସାଉଦି ଆରବର ଜେଦ୍ଦାରୁ ଭାରତ ଫେରିବେ। ଏହି ଆକ୍ରମଣ ଯୋଗୁଁ ପ୍ରଧାନମନ୍ତ୍ରୀ ମୋଦୀ ତାଙ୍କର ଗସ୍ତକୁ ଛୋଟ କରିଛନ୍ତି। ସୂଚନାନୁସାରେ, ପ୍ରଧାନମନ୍ତ୍ରୀ ମଧ୍ୟ ରାତ୍ରୀ ଭୋଜନରେ ଯୋଗ ଦେଇନଥିଲେ।
ପହଲଗାମ ଆକ୍ରମଣକୁ ନିନ୍ଦା କଲା ୟୁଏଇ:
ପାହଲଗାମ, ଜାମ୍ମୁ କାଶ୍ମୀରରେ ପର୍ଯ୍ୟଟକଙ୍କୁ ଟାର୍ଗେଟ କରି ଆତଙ୍କବାଦୀ ଆକ୍ରମଣକୁ ୟୁଏଇ ତୀବ୍ର ନିନ୍ଦା କରିଛି। ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ବିବୃତ୍ତିରେ ଏହା କହିଛି ଯେ, ୟୁଏଇ ଏହି ଅପରାଧିକ କାର୍ଯ୍ୟକୁ ଦୃଢ ନିନ୍ଦା କରୁଛି ଏବଂ ଆନ୍ତର୍ଜାତୀୟ ଆଇନ ଉଲ୍ଲଂଘନ କରି ସୁରକ୍ଷା ଏବଂ ସ୍ଥିରତାକୁ କ୍ଷୁର୍ଣ୍ଣ କରିବାକୁ ଲକ୍ଷ୍ୟ ରଖିଥିବା ସମସ୍ତ ପ୍ରକାର ହିଂସା ତଥା ଆତଙ୍କବାଦକୁ ସବୁଦିନ ପାଇଁ ପ୍ରତ୍ୟାଖ୍ୟାନ କରିଛି।
ଆତଙ୍କବାଦୀ ଆକ୍ରମଣକୁ ଇଟଲିର ପ୍ରଧାନମନ୍ତ୍ରୀ ଜର୍ଜିଆ ମେଲୋନିଙ୍କ ନିନ୍ଦା:
ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନି କହିଛନ୍ତି ଯେ, “ଆଜି ଭାରତରେ ହୋଇଥିବା ଆତଙ୍କବାଦୀ ଆକ୍ରମଣରେ ଗଭୀର ଦୁଃଖ ପ୍ରକାଶ ପାଇଛି। ପ୍ରଭାବିତ ପରିବାର, ଆହତ, ସରକାର ଏବଂ ସମସ୍ତ ଭାରତୀୟ ଲୋକଙ୍କୁ ଇଟାଲୀ ସମବେଦନା ଜଣାଇଛନ୍ତି।”
ଆତଙ୍କବାଦ ବିରୋଧରେ ଆମେରିକା ଭାରତ ସହିତ ମଜବୁତ ଭାବେ ଠିଆ ହୋଇଛି- ଟ୍ରମ୍ପ
ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ, “କାଶ୍ମୀରରୁ ବହୁତ ବିଚଳିତ ଖବର ଆସିଛି। ଆତଙ୍କବାଦ ବିରୋଧରେ ଆମେରିକା ଭାରତ ସହିତ ମଜବୁତ ଭାବେ ଠିଆ ହୋଇଛି। ଆମେ ମୃତକଙ୍କ ଆତ୍ମାର ଶାନ୍ତି ଏବଂ ଆହତମାନଙ୍କ ପୁନରୁଦ୍ଧାର ପାଇଁ ପ୍ରାର୍ଥନା କରୁଛୁ। ପ୍ରଧାନମନ୍ତ୍ରୀ ମୋଦି ଏବଂ ଭାରତର ଲୋକଙ୍କ ପ୍ରତି ଆମର ପୂର୍ଣ୍ଣ ସମର୍ଥନ ଏବଂ ଗଭୀର ସମବେଦନା ଅଛି।
