ସୋନଭଦ୍ରା ଗୁଳିକାଣ୍ଡରେ 10 ଜଣଙ୍କର ପରଲୋକ ଘଟିଥିବା ବେଳେ ପ୍ରତ୍ୟେକ ମୃତକଙ୍କ ପରିବାର ନିମନ୍ତେ 10 ଲକ୍ଷର ସହାୟତା ରାଶି ଘୋଷଣା କରିଛି କଂଗ୍ରେସ । ଦଳୀୟ ମହାସଚିବ ପ୍ରିୟଙ୍କା ଗାନ୍ଧୀ ଗତକାଲି ପୀଡିତ ମାନଙ୍କୁ ଭେଟିବା ନିମନ୍ତେ ଯାଇଥିବା ବେଳେ ପୋଲିସ୍ ପ୍ରିୟଙ୍କାଙ୍କୁ ଅଟକାଇ ଥିଲା । ଏହାପରେ ପ୍ରିୟଙ୍କା ଗତକାଲି ମିର୍ଜାପୁରରେ ରାତ୍ରିଯାପନ କରିଥିଲେ । ସକାଳୁ ପ୍ରିୟଙ୍କା ପୁନର୍ବାର ପୀଡିତଙ୍କୁ ଭେଟିବାକୁ ଚାହୁଁଥିବା ବେଳେ ମାତ୍ର ଦୁଇ ଜଣ ପୀଡିତଙ୍କ ସହିତ ଭେଟିବାର ଅନୁମତି ପ୍ରଦାନ କରାଯାଇଥିଲା । ମିର୍ଜାପୁରରେ ଆନ୍ଦୋଳନ କରିବା ପରେ ପ୍ରିୟଙ୍କାଙ୍କୁ ପୁନର୍ବାର ଅଟକ ରଖିଥିଲା ପୋଲିସ୍ । ଶେଷରେ କଂଗ୍ରେସ ପକ୍ଷରୁ ମୃତ ଚାଷୀଙ୍କ ନିମନ୍ତେ 10 ଲକ୍ଷ ଟଙ୍କାର ସହାୟତା ରାଶି ଘୋଷଣା କରାଯାଇଥିଲା ।
Tags:
