ନୂଆଦିଲ୍ଲୀ: ପହଲଗାମ ଆତଙ୍କବାଦୀ ଆକ୍ରମଣ ପରେ ଲଶ୍କର କମାଣ୍ଡର ସଇଫୁଲ୍ଲା ଏହି ଆକ୍ରମଣରେ ସମ୍ପୃକ୍ତ ଥିବା ମନା କରିଦେଇଛି। ଏହା ପରେ ଦ ରେଜିଷ୍ଟାନ୍ସ ଫ୍ରଣ୍ଟ (ଟିଆରଏଫ) ମଧ୍ୟ ଏକ ବିବୃତ୍ତି ଜାରି କରି ପହଲଗାମ ଆକ୍ରମଣରୁ ନିଜକୁ ଦୂରେଇ ରଖିଛି। ଟିଆରଏଫ ପୋଷ୍ଟ ଜାରି କରି କହିଛି ଯେ, ଦ ରେଜିଷ୍ଟାନ୍ସ ଫ୍ରଣ୍ଟ (ଟିଆରଏଫ) ପହଲଗାମ ଘଟଣାରେ ସମ୍ପୃକ୍ତ ଥିବା କଥାକୁ ଅସ୍ୱୀକାର କରିଛି। ଏହି ଆକ୍ରମଣ ପାଇଁ ଟିଆରଏଫକୁ ଦାୟୀ କରିବା ଭୁଲ ଅଟେ। ଏହା ଶୀଘ୍ର ନିଆଯାଇଥିବା ନିଷ୍ପତ୍ତି। କାଶ୍ମୀର ପ୍ରତିରୋଧକୁ ବଦନାମ କରିବା ପାଇଁ ଏହା ଏକ ସୁଚିନ୍ତିତ ଅଭିଯାନର ଏକ ଅଂଶ।
ଟିଆରଏଫ ଏହି ପୋଷ୍ଟରେ ଲେଖିଛି ଯେ, ପହଲଗାମ ଆକ୍ରମଣ ପରେ ଖୁବ ଶୀଘ୍ର ଆମ ଡିଜିଟାଲ ପ୍ଲାଟଫର୍ମରୁ ଏକ ମିଥ୍ୟା ବାର୍ତ୍ତା ପୋଷ୍ଟ କରାଯାଇଥିଲା। ଅନୁସନ୍ଧାନ ପରେ ସାଇବର ଆକ୍ରମଣ ହେତୁ ଏହା ପୋଷ୍ଟ କରାଯାଇଥିବା ଜଣାପଡିଛି। ଉଲ୍ଲଂଘନ ସ୍ଥିର କରିବାକୁ ଆମେ ସମ୍ପୂର୍ଣ୍ଣ ଅନୁସନ୍ଧାନ କରୁଛୁ। କେବଳ ଏତିକି ନୁହେଁ ଆତଙ୍କବାଦୀ ସଂଗଠନ ଏହି ସାଇବର ଆକ୍ରମଣ ପାଇଁ ଭାରତୀୟ ସୁରକ୍ଷା ଏଜେନ୍ସିଗୁଡ଼ିକୁ ମଧ୍ୟ ଦାୟୀ କରିଛି।