ଶ୍ରୀନଗର: ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଏବଂ ନ୍ୟାସନାଲ କନଫରେନ୍ସ ସଭାପତି ଫାରୁକ ଅବଦୁଲ୍ଲା କହିଛନ୍ତି ଯେ, ଯେପର୍ଯ୍ୟନ୍ତ ସେନା ଯିବେ ନାହିଁ ଏବଂ ପାକିସ୍ତାନର ଲୋକମାନେ ଭାରତ ସହିତ ବନ୍ଧୁତା ଚାହାଁନ୍ତି ନାହିଁ, ସେପର୍ଯ୍ୟନ୍ତ ଭାରତ ଏବଂ ପାକିସ୍ତାନ ମଧ୍ୟରେ ସମ୍ପର୍କରେ କେବେ ସୁଧାର ଆସିବ ନାହିଁ। ଯେତେବେଳେ ସେଠାରେ ଲୋକଙ୍କ ସରକାର ଆସିବ, ମୁଁ ନିଶ୍ଚିତ ଯେ ଭାରତ ଏବଂ ପାକିସ୍ତାନ ମଧ୍ୟରେ ଶାନ୍ତି ପ୍ରତିଷ୍ଠା ହେବ।
୨୨ ଏପ୍ରିଲରେ ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ବିଷୟରେ ସେ କହିଥିଲେ ଯେ, ଏହା ସୁରକ୍ଷା ଅବହେଳା ଏବଂ ଜମ୍ମୁ-କାଶ୍ମୀରକୁ ଅସ୍ଥିର କରିବା ପାଇଁ ପାକିସ୍ତାନର ପ୍ରୟାସର ପରିଣାମ। ସେ ପାକିସ୍ତାନର ଅପପ୍ରଚାର ଏବଂ ସେନା ମୁଖ୍ୟ ଆସିଫ୍ ମୁନିରଙ୍କୁ ସମାଲୋଚନା କରିଥିଲେ। ଫାରୁକ ଅବଦୁଲ୍ଲା କହିଛନ୍ତି ଯେ, “ଏଥିରେ କୌଣସି ସନ୍ଦେହ ନାହିଁ ଯେ ଏହା ସୁରକ୍ଷା ଏବଂ ଗୁଇନ୍ଦା ତ୍ରୁଟିର ବିଷୟ ଥିଲା। ଆମେ ଆମର ଜୀବନକୁ ଭଲ ଭାବରେ ବଞ୍ଚୁଛୁ, ଯାହା ସେମାନଙ୍କୁ (ପାକିସ୍ତାନ) ପସନ୍ଦ ଆସିନଥିଲା।”
