ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସର ବରିଷ୍ଠ ରାଜନେତ୍ରୀ ଶୀଲା ଦୀକ୍ଷିତ୍ଙ୍କ ନିଧନରେ ଦୁଃଖ ପ୍ରକଟ କରିଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ରାଷ୍ଟ୍ରପତି ଟୁଇଟ କରି ଲେଖିଛନ୍ତି ଯେ, ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତ୍ରୀ ଶୀଲା ଦୀକ୍ଷିତ୍ଙ୍କ ନିଧନ ଖବରରେ ମୁଁ ଦୁଃଖୀତ । ତାଙ୍କର କାର୍ଯ୍ୟକାଳରେ ଦିଲ୍ଲୀରେ ଅନେକ ପରିବର୍ତ୍ତନ ଆସିଛି । ସେ ସର୍ବଦା ସ୍ମରଣୀୟ ରହିବେ । ତାଙ୍କ ପରିବାର ଓ ବନ୍ଧୁ ପରିଜନଙ୍କୁ ମୋର ସମବେଦନା ।’ ସେହିପରି ଶୀଲା ଦୀକ୍ଷିତ୍ଙ୍କ ମୃତ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟ୍ କରି ଦୁଃଖ ପ୍ରକଟ କରିଛନ୍ତି । ଶୀଲା ଦୀକ୍ଷିତଙ୍କ ନିଧନରେ ସେ ବହୁତ ଦୁଃଖିତ ବୋଲି କହିବା ସହିତ ଦିଲ୍ଲୀର ବିକାଶ ପାଇଁ ତାଙ୍କର ଅବଦାନ ବହୁତ ରହିଛି । ତାଙ୍କ ପରିବାର ଓ ସମର୍ଥକଙ୍କ ପ୍ରତି ସମବେଦନା ଜଣାଇଛନ୍ତି ପ୍ରଧାନମନ୍ତ୍ରୀ । ସେହିପରି କଂଗ୍ରେସର ପୂର୍ବତନ ଅଧ୍ୟକ୍ଷ ଓ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ଶୀଲା ଦୀକ୍ଷିତଙ୍କ ମୃତ୍ୟୁରେ ଶୋକ ପ୍ରକଟ କରିଛନ୍ତି ।
