ନୂଆଦିଲ୍ଲୀ: ଗତ ଦଶନ୍ଧିରେ ଭାରତର ପ୍ରମୁଖ ବନ୍ଦରଗୁଡ଼ିକ ନିରନ୍ତର ଉଲ୍ଲେଖନୀୟ ପ୍ରଗତି ପ୍ରଦର୍ଶନ କରିଛନ୍ତି। ଆର୍ଥିକ ବର୍ଷ ୨୦୨୪-୨୫ କାର୍ଗୋ ପରିଚାଳନା, ପରିଚାଳନାଗତ ଦକ୍ଷତା ଏବଂ ଭିତ୍ତିଭୂମିର ଆଧୁନିକୀକରଣ ଦୃଷ୍ଟିରୁ ଏକ ମାଇଲଖୁଣ୍ଟ ବର୍ଷ ଭାବରେ ଉଭା ହୋଇଛି।
୨୦୨୪-୨୫ ଆର୍ଥିକ ବର୍ଷରେ, ପ୍ରମୁଖ ବନ୍ଦରଗୁଡ଼ିକ କାର୍ଗୋ ପରିଚାଳନାରେ ,୪.୩ ଶତକଡା ବାର୍ଷିକ ଅଭିବୃଦ୍ଧି ହାର ପଞ୍ଜୀକୃତ କରିଛନ୍ତି, ଯାହା ୨୦୨୩-୨୪ ଆର୍ଥିକ ବର୍ଷରେ ୮୧୯ ନିୟୁତ ଟନ୍ ରୁ ୨୦୨୪-୨୫ ଆର୍ଥିକ ବର୍ଷରେ ୮୫୫ ନିୟୁତ ଟନ୍ ବୃଦ୍ଧି ପାଇଛି। ଏହି ଅଭିବୃଦ୍ଧି, ବୃଦ୍ଧି ପାଉଥିବା ବାଣିଜ୍ୟ ପରିମାଣକୁ ସମାୟୋଜନ କରିବାରେ ପ୍ରମୁଖ ବନ୍ଦରଗୁଡ଼ିକର ସ୍ଥିରତା ଏବଂ କ୍ଷମତାକୁ ଉଜାଗର କରେ। ପୂର୍ବ ଆର୍ଥିକ ବର୍ଷ ତୁଳନାରେ ଅଧିକ କଣ୍ଟେନର ଥ୍ରୁପୁଟ୍ (୧୦%), ସାର କାର୍ଗୋ ପରିଚାଳନା (୧୩%), ପିଓଏଲ୍ କାର୍ଗୋ ପରିଚାଳନା (୩%) ଏବଂ ବିବିଧ ସାମଗ୍ରୀ ପରିଚାଳନା (୩୧%) ଯୋଗୁଁ ଟ୍ରାଫିକ୍ ବୃଦ୍ଧି ଘଟିଛି।
ପ୍ରମୁଖ ବନ୍ଦରଗୁଡ଼ିକରେ ପରିଚାଳିତ ସାମଗ୍ରୀ ମଧ୍ୟରେ, ପେଟ୍ରୋଲିୟମ୍, ତୈଳ ଏବଂ ଲୁବ୍ରିକେଣ୍ଟ (ପିଓଏଲ) – ଅଶୋଧିତ, ପେଟ୍ରୋଲିୟମ୍ ଉତ୍ପାଦ ଏବଂ ଏଲପିଜି/ଏଲଏନଜି ସମେତ – ୨୫୪.୪ ନିୟୁତ ଟନ୍ (୨୯.୮%) ପରିମାଣ ସହିତ ଚାର୍ଟରେ ଆଗୁଆ ରହିଛି, ଏହା ପରେ ୧୯୩.୫ ନିୟୁତ ଟନ୍ (୨୨.୬ %), କୋଇଲା ୧୮୬.୬ ନିୟୁତ ଟନ୍ (୨୧.୮%) ଏବଂ ଅନ୍ୟାନ୍ୟ କାର୍ଗୋ ବର୍ଗ ଯେପରିକି ଲୁହାପଥର, ପେଲେଟ୍, ସାର ଏବଂ ଅନ୍ୟାନ୍ୟ କାର୍ଗୋ ୨୦୨୪-୨୫ ଆର୍ଥିକ ବର୍ଷରେ ସର୍ବାଧିକ ହୋଇଛି।
ପ୍ରମୁଖ ବନ୍ଦରଗୁଡ଼ିକର ଇତିହାସରେ ପ୍ରଥମ ଥର ପାଇଁ, ପାରାଦୀପ ବନ୍ଦର କର୍ତ୍ତୃପକ୍ଷ (ପିପିଏ) ଏବଂ ଦୀନଦୟାଲ ବନ୍ଦର କର୍ତ୍ତୃପକ୍ଷ (ଡିପିଏ) ୧୫୦ ନିୟୁତ ଟନ୍ କାର୍ଗୋ ପରିଚାଳନା ମାର୍କକୁ ଅତିକ୍ରମ କରିଛନ୍ତି, ଯାହା ସାମୁଦ୍ରିକ ବାଣିଜ୍ୟ ଏବଂ କାର୍ଯ୍ୟକ୍ଷମ ଉତ୍କର୍ଷତାର ପ୍ରମୁଖ କେନ୍ଦ୍ର ଭାବରେ ସେମାନଙ୍କର ସ୍ଥିତିକୁ ସୁଦୃଢ଼ କରିଛି। ଏହି ସମୟରେ, ଜବାହରଲାଲ ନେହେରୁ ବନ୍ଦର କର୍ତ୍ତୃପକ୍ଷ (ଜେଏନପିଏ )୭.୩ ନିୟୁତ ଟିଇୟୁ ପରିଚାଳନା କରି ଏକ ରେକର୍ଡ ସ୍ଥାପନ କରିଛି, ଯାହା ବାର୍ଷିକ ୧୩.୫ ଶତକଡା ଅଭିବୃଦ୍ଧିକୁ ପ୍ରତିଫଳିତ କରିଥାଏ।
ଆର୍ଥିକ ବର୍ଷ ୨୦୨୪-୨୫ ରେ, ଭାରତୀୟ ବନ୍ଦରମାନେ ସାମୂହିକ ଭାବରେ ବନ୍ଦର-ନେତୃତ୍ୱାଧୀନ ଶିଳ୍ପାୟନ ପାଇଁ ୯୬୨ଏକର ଜମି ଆବଣ୍ଟନ କରିଥିଲେ, ଯାହା ୨୦୨୪-୨୫ ଆର୍ଥିକ ବର୍ଷରେ ୭,୫୬୫ କୋଟି ଟଙ୍କା ଆୟ ସୃଷ୍ଟି କରିବ ବୋଲି ଆକଳନ କରାଯାଇଥିଲା। ଏହା ବ୍ୟତୀତ, ଲିଜଧାରୀମାନେ ଆବଣ୍ଟିତ ଜମିରେ ଭବିଷ୍ୟତରେ ୬୮,୭୮୦ କୋଟି ଟଙ୍କା ନିବେଶ କରିବେ ବୋଲି ଆଶା କରାଯାଉଛି, ଯାହା ବନ୍ଦର-ନେତୃତ୍ୱାଧୀନ ବିକାଶରେ ନିବେଶକଙ୍କ ବିଶ୍ୱାସକୁ ପୁନଃନିର୍ଦ୍ଦିଷ୍ଟ କରିଥାଏ। ଏହି ପରିବର୍ତ୍ତନରେ ଘରୋଇ କ୍ଷେତ୍ରର ଅଂଶଗ୍ରହଣ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି, ପ୍ରମୁଖ ବନ୍ଦରଗୁଡ଼ିକରେ ପିପିପି ପ୍ରକଳ୍ପରେ ନିବେଶ ତିନିଗୁଣ ବୃଦ୍ଧି ପାଇଛି, ଯାହା ୨୦୨୨-୨୩ ଆର୍ଥିକ ବର୍ଷରେ ୧,୩୨୯ କୋଟି ଟଙ୍କାରୁ ୨୦୨୪-୨୫ ଆର୍ଥିକ ବର୍ଷରେ ୩,୯୮୬ କୋଟି ଟଙ୍କା ବୃଦ୍ଧି ପାଇଛି, ଯାହା ନିବେଶକଙ୍କ ଦୃଢ଼ ବିଶ୍ୱାସକୁ ଦର୍ଶାଉଛି ।
ଆର୍ଥିକ ବର୍ଷ ୨୦୨୪-୨୫ରେ କାର୍ଯ୍ୟକ୍ଷମ ପ୍ରଦର୍ଶନରେ ଉନ୍ନତି ଜାରି ରହିଛି, ପୂର୍ବ-ବର୍ଥିଂ ଡିଟେନସନ୍ (ପିବିଡ଼ି ) ସମୟ (ପୋର୍ଟ ଆକାଉଣ୍ଟରେ) ୨୦୨୩-୨୪ ଆର୍ଥିକ ବର୍ଷ ତୁଳନାରେ ୩୬ ଶତକଡା ଉନ୍ନତି କରିଛି। ଆର୍ଥିକ ଦୃଷ୍ଟିରୁ, ପ୍ରମୁଖ ବନ୍ଦରଗୁଡ଼ିକର ମୋଟ ଆୟ ୨୦୨୪-୨୫ ଆର୍ଥିକ ବର୍ଷରେ ୮ ଶତକଡା ବୃଦ୍ଧି ପାଇଛି, ଯାହା ୨୦୨୩-୨୪ ଆର୍ଥିକ ବର୍ଷରେ ୨୨,୪୬୮ କୋଟି ଟଙ୍କାରୁ ବୃଦ୍ଧି ପାଇ ୨୪,୨୦୩ କୋଟି ଟଙ୍କା ବୃଦ୍ଧି ହୋଇଛି। ସେହିପରି, ପରିଚାଳନା ବଳକା ୨୦୨୩-୨୪ ଆର୍ଥିକ ବର୍ଷରେ ୧୧,୫୧୨ କୋଟି ଟଙ୍କାରୁ ୨୦୨୪-୨୫ ଆର୍ଥିକ ବର୍ଷରେ ୧୨,୩୧୪ କୋଟି ଟଙ୍କାକୁ ବୃଦ୍ଧି ପାଇଛି।
ନିଜର ଆନନ୍ଦ ଏବଂ ଗର୍ବ ପ୍ରକାଶ କରି, ବନ୍ଦର, ଜାହାଜ ଚଳାଚଳ ଏବଂ ଜଳପଥ ମନ୍ତ୍ରୀ ଶ୍ରୀ ସର୍ବାନନ୍ଦ ସୋନୋୱାଲ କହିଛନ୍ତି:
“୨୦୨୪-୨୫ ଆର୍ଥିକ ବର୍ଷରେ ଭାରତର ପ୍ରମୁଖ ବନ୍ଦରଗୁଡ଼ିକର ଉଲ୍ଲେଖନୀୟ ସଫଳତା ପାଇଁ ମୁଁ ଅତ୍ୟନ୍ତ ଗର୍ବିତ, ଏହି ବର୍ଷଟି ଆମର ମାନ୍ୟବର ପ୍ରଧାନମନ୍ତ୍ରୀଙ୍କ ପରିବର୍ତ୍ତନଶୀଳ ଦୃଷ୍ଟିକୋଣ ଏବଂ ନେତୃତ୍ୱର ପ୍ରମାଣ ସ୍ୱରୂପ ଅଟେ । ତାଙ୍କ ମାର୍ଗଦର୍ଶନରେ, ମନ୍ତ୍ରଣାଳୟ ବନ୍ଦର ଭିତ୍ତିଭୂମିକୁ ଆଧୁନିକୀକରଣ, କାର୍ଯ୍ୟକ୍ଷମ ଦକ୍ଷତା ବୃଦ୍ଧି ଏବଂ ଘରୋଇ କ୍ଷେତ୍ରର ଅଂଶଗ୍ରହଣକୁ ପ୍ରୋତ୍ସାହିତ କରିବା ପାଇଁ ଅକ୍ଲାନ୍ତ ପରିଶ୍ରମ କରିଛି, ଯାହା ଭାରତର ସାମୁଦ୍ରିକ କ୍ଷେତ୍ରରେ ଅଭୂତପୂର୍ବ ଅଭିବୃଦ୍ଧି ପାଇଁ ପଥ ପ୍ରଶସ୍ତ କରିଛି।
ଏହି ମାଇଲଖୁଣ୍ଟଗୁଡ଼ିକ ମନ୍ତ୍ରଣାଳୟ, ବନ୍ଦର କର୍ତ୍ତୃପକ୍ଷ, ଅଧିକାରୀ ଏବଂ କର୍ମଚାରୀଙ୍କ ସହଯୋଗ ପ୍ରୟାସ ବିନା ସମ୍ଭବ ହୋଇପାରିନଥାନ୍ତା, ଯାହାଙ୍କ ଉତ୍ସର୍ଗ ଏବଂ ପ୍ରତିବଦ୍ଧତା ଏହି ଦଶନ୍ଧିର ପ୍ରଗତିକୁ ଆଗେଇ ନେବାରେ ମହତ୍ୱପୂର୍ଣ୍ଣ ଭୂମିକା ନିର୍ବାହ କରିଛି । ରେକର୍ଡ ଭାଙ୍ଗିବା ,ମାଲ ପରିବହନଠାରୁ ଆରମ୍ଭ କରି କାର୍ଯ୍ୟକ୍ଷମ ପାରାମିଟର ଏବଂ ଆର୍ଥିକ କାର୍ଯ୍ୟଦକ୍ଷତାରେ ଗୁରୁତ୍ୱପୂର୍ଣ୍ଣ ଉନ୍ନତି ପର୍ଯ୍ୟନ୍ତ, ୨୦୨୪-୨୫ ଆର୍ଥିକ ବର୍ଷର ସଫଳତା ଭାରତର ବର୍ଦ୍ଧିତ ବାଣିଜ୍ୟ ମହତ୍ତ୍ୱାକାଂକ୍ଷାକୁ ସମର୍ଥନ କରିବା ପାଇଁ ଆମର ବନ୍ଦରଗୁଡ଼ିକର ସ୍ଥିରତା ଏବଂ ପ୍ରସ୍ତୁତିକୁ ପ୍ରତିଫଳିତ କରୁଛି ।
ଯେତେବେଳେ ଆମେ ନୂତନ ଉଚ୍ଚତା ଆରୋହଣ କରିଚାଲିଛୁ, ମୁଁ ସମସ୍ତ ଅଂଶୀଦାରମାନଙ୍କୁ ସେମାନଙ୍କର ଅଟଳ ସମର୍ଥନ ଏବଂ ଅବଦାନ ପାଇଁ ମୋର ହୃଦୟରୁ କୃତଜ୍ଞତା ଜଣାଉଛି। ମିଳିମିଶି , ଆମେ ଜାତୀୟ ରୂପରେ ଅଭିବୃଦ୍ଧି , ସ୍ଥିର ଏବଂ ଭବିଷ୍ୟତରେ ପ୍ରତିଯୋଗିତାମୂଳକ ମୁକାବିଲା କରିବାକୁ ସକ୍ଷମ ବନ୍ଦର ଗଢ଼ୁଛୁ, ଯାହା ଆସନ୍ତା ବର୍ଷଗୁଡିକରେ ଭାରତର ଆର୍ଥିକ ବିକାଶ ଏବଂ ବିଶ୍ୱ ବ୍ୟପାର ଉନ୍ନତିକୁ ଶକ୍ତି ଯୋଗାଇବ।
୨୦୧୪-୧୫ ଏବଂ ୨୦୨୪-୨୫ ଆର୍ଥିକ ବର୍ଷ ମଧ୍ୟରେ, କାର୍ଗୋ ପରିମାଣ ୫୮୧ ନିୟୁତ ଟନ୍ ରୁ ପ୍ରାୟ ୮୫୫ ନିୟୁତ ଟନ୍ କୁ ବୃଦ୍ଧି ପାଇଛି, ଯାହା ୪% ର ଏକ ଦୃଢ଼ ଚକ୍ରବୃଦ୍ଧି ବାର୍ଷିକ ଅଭିବୃଦ୍ଧି ହାର (ସିଏଜିର )କୁ ପ୍ରତିଫଳିତ କରିଥାଏ। କଣ୍ଟେନରାଇଜଡ୍ କାର୍ଗୋ ଦଶନ୍ଧିରେ ଏକ ଉଲ୍ଲେଖନୀୟ ୭୦% ବୃଦ୍ଧି ପାଇଛି – ୨୦୧୪-୧୫ ଆର୍ଥିକ ବର୍ଷରେ ୭.୯ ନିୟୁତ ଟିଇୟୁସ ରୁ ୨୦୨୪-୨୫ ଆର୍ଥିକ ବର୍ଷରେ ୧୩.୫ ନିୟୁତ ଟିଇୟୁସ ବୃଦ୍ଧି ପାଇଛି । କୋଇଲା, ସାର, ଲୁହା ପଥର ଏବଂପିଓଏଲ ଭଳି ପାରମ୍ପରିକ ସାମଗ୍ରୀ ମଧ୍ୟ ଗତ ୧୦ ବର୍ଷ ମଧ୍ୟରେ ଉଲ୍ଲେଖନୀୟ ଅଭିବୃଦ୍ଧି ଦେଖାଯାଇଛି ।
ଉତ୍ପାଦନ ସୂଚକଗୁଡ଼ିକ ମଧ୍ୟ ଉଲ୍ଲେଖନୀୟ ଉନ୍ନତି ଦେଖାଇଛନ୍ତି:
– ପ୍ରତି ଜାହାଜ ବର୍ଥଡେ (ଓଏସବିଡି ) ଦଶନ୍ଧିରେ ୧୨,୪୫୮ ଟନ୍ ରୁ ୧୮,୩୦୪ ଟନ୍କୁ ବୃଦ୍ଧି ପାଇଛି।
– ହାରାହାରି ଟର୍ଣ୍ଣଆରାଉଣ୍ଡ ସମୟ (ଟିଆରଟି ) ୪୮ ଶତକଡା ପାଇଛି, ଯାହା ୨୦୧୪-୧୫ ଆର୍ଥିକ ବର୍ଷରେ ୯୬ ଘଣ୍ଟା ଥିଲା ଏବଂ ୨୦୨୪-୨୫ଆର୍ଥିକ ବର୍ଷରେ ଏହା ୪୯.୫ ଘଣ୍ଟାକୁ ହ୍ରାସ ପାଇଛି।
– ପୂର୍ବ ବର୍ଥିଂ ଡିଟେନସନ୍ (ପିବିଡ଼ି) ସମୟ (ପୋର୍ଟ ଆକାଉଣ୍ଟରେ) ~୨୪ ଶତକଡା ବୃଦ୍ଧି ପାଇଛି, ଯାହା ୨୦୧୪-୧୫ ଆର୍ଥିକ ବର୍ଷରେ ୫.୦୨ ଘଣ୍ଟାରୁ ହ୍ରାସ ପାଇ ୨୦୨୪-୨୫ ଆର୍ଥିକ ବର୍ଷରେ ୩.୮ ଘଣ୍ଟା ହୋଇଛି।
ନିଷ୍କ୍ରିୟ ସମୟ (%) ୨୯ ଶତକଡା ହ୍ରାସ ପାଇଛି, ୨୦୧୪-୧୫ ଆର୍ଥିକ ବର୍ଷରେ ୨୩.୧ ଶତକଡାରୁ୨୦୨୪-୨୫ ଆର୍ଥିକ ବର୍ଷରେ ୧୬.୩ ଶତକଡା ହୋଇଛି।
ଏହି ଉନ୍ନତିଗୁଡ଼ିକ କାର୍ଗୋ ପରିଚାଳନା ପ୍ରକ୍ରିୟାକୁ ବୃଦ୍ଧି କରିବା, ଭିତ୍ତିଭୂମିର ଉନ୍ନତିକରଣ ଏବଂ ଯାନ୍ତ୍ରିକୀକରଣ ପଦକ୍ଷେପ ପ୍ରଚଳନ କରିବା ପାଇଁ ମନ୍ତ୍ରଣାଳୟର ପ୍ରତିବଦ୍ଧତାକୁ ପ୍ରତିଫଳିତ କରୁଛି।
ପ୍ରମୁଖ ବନ୍ଦରଗୁଡ଼ିକର ଆର୍ଥିକ ପ୍ରଦର୍ଶନ ସମାନ ଭାବରେ ପ୍ରଭାବଶାଳୀ ହୋଇଛି, ଗତ ଦଶନ୍ଧିରେ ମୋଟ ଆୟ ଦ୍ୱିଗୁଣିତରୁ ଅଧିକ ହୋଇ ୨୦୧୪-୧୫ ଆର୍ଥିକ ବର୍ଷରେ ୧୧,୭୬୦ କୋଟି ଟଙ୍କାରୁ ୨୦୨୪-୨୫ ଆର୍ଥିକ ବର୍ଷରେ ୨୪,୨୦୩ କୋଟି ଟଙ୍କା ହୋଇଛି, ଯାହା ୧୦ ବର୍ଷ ମଧ୍ୟରେ ୭.୫ ଶତକଡା ସିଏଜିଆର ପଞ୍ଜୀକୃତ କରିଛି। ସେହି ସମୟ ମଧ୍ୟରେ ୧୩% ସିଏଜିଆର ଦ୍ୱାରା ପରିଚାଳନାଗତ ବଳକା ପ୍ରାୟ ତିନିଗୁଣ ବୃଦ୍ଧି ପାଇ୧୨,୩୧୪ କୋଟି ଟଙ୍କାରେ ପହଞ୍ଚିଛି। କାର୍ଯ୍ୟକ୍ଷମ ଦକ୍ଷତାରେ ମଧ୍ୟ ଉଲ୍ଲେଖନୀୟ ଉନ୍ନତି ହୋଇଛି, କାର୍ଯ୍ୟକ୍ଷମତା ଅନୁପାତ ୨୦୧୪-୧୫ ଆର୍ଥିକ ବର୍ଷରେ ୬୪.୭% ରୁ ହ୍ରାସ ପାଇ ୨୦୨୪-୨୫ ଆର୍ଥିକ ବର୍ଷରେ ୪୨.୩% ହୋଇଛି, ଯାହା ବନ୍ଦରଗୁଡ଼ିକର ଆର୍ଥିକ ସ୍ଥିରତାକୁ ସୁଦୃଢ଼ କରିଛି।
ଯାନ୍ତ୍ରିକୀକରଣ, ପ୍ରକ୍ରିୟା ପୁନଃଇଞ୍ଜିନିୟରିଂ, ବନ୍ଦର ସମ୍ପ୍ରଦାୟ ବ୍ୟବସ୍ଥା ଏବଂ ବହୁ-ମୋଡାଲ ଲଜିଷ୍ଟିକ୍ସ ସମନ୍ୱୟରେ ନିରନ୍ତର ନିବେଶ ଦ୍ୱାରା ସମର୍ଥିତ ଭାରତର ପ୍ରମୁଖ ବନ୍ଦରଗୁଡ଼ିକ ଏବେ ସେମାନଙ୍କର ପ୍ରତିଯୋଗିତାମୂଳକତାକୁ ପରବର୍ତ୍ତୀ ସ୍ତରକୁ ନେଇଯିବା ପାଇଁ ପ୍ରସ୍ତୁତ। ଏହି ପଦକ୍ଷେପଗୁଡ଼ିକ ଫଳରେ କାର୍ଗୋ ପରିମାଣ ବୃଦ୍ଧି ପାଇଛି, ଜାହାଜ ଅପେକ୍ଷା ସମୟ ହ୍ରାସ ପାଇଛି, କ୍ଷମତା ଉପଯୋଗକୁ ଉନ୍ନତ କରାଯାଇଛି ଏବଂ ନିବେଶକଙ୍କ ବିଶ୍ୱାସ ବୃଦ୍ଧି ପାଇଛି।
ଭାରତ ଏହାର ବିଶ୍ୱ ବାଣିଜ୍ୟ ପଦଚିହ୍ନକୁ ବିସ୍ତାର କରୁଛି ଏବଂ ଲଜିଷ୍ଟିକ୍ସ ଭିତ୍ତିଭୂମିକୁ ଆଧୁନିକୀକରଣ କରୁଛି, ଆର୍ଥିକ ବର୍ଷ ୨୦୨୪-୨୫ ମନ୍ତ୍ରଣାଳୟର ରଣନୈତିକ ଦୃଷ୍ଟିକୋଣ ଏବଂ ସରକାରୀ କର୍ତ୍ତୃପକ୍ଷ ଏବଂ ଘରୋଇ ଅଂଶୀଦାରଙ୍କ ସହଯୋଗ ପ୍ରୟାସର ପ୍ରମାଣ ସ୍ୱରୂପ ରହିଛି। ବନ୍ଦର, ଜାହାଜ ଚଳାଚଳ ଏବଂ ଜଳପଥ ମନ୍ତ୍ରଣାଳୟ ଏହି ଗତିକୁ ବଜାୟ ରଖିବା ଏବଂ ବିଶ୍ୱସ୍ତରୀୟ ପ୍ରତିଯୋଗିତାମୂଳକ, ଡିଜିଟାଲ୍ ସକ୍ଷମ ଏବଂ ପରିବେଶଗତ ଭାବରେ ସ୍ଥାୟୀ ବନ୍ଦର ବିକାଶ କରିବା ପାଇଁ ସମର୍ପିତ, ଯାହା ଭବିଷ୍ୟତରେ ଭାରତର ବାଣିଜ୍ୟ ଏବଂ ଆର୍ଥିକ ମହତ୍ତ୍ୱାକାଂକ୍ଷାକୁ ଆଗକୁ ବଢ଼ାଇବ।