ଉତ୍ତର ପ୍ରଦେଶ ଏଟିଏସ ବେଆଇନ ଭାବେ ରହିଥିବା 1000 ଡିଟୋନେଟର ଓ 5 ହଜାର ଜିଲୋଟିନ ଜବତ କରିଛି । ଏହି ଘଟଣାରେ ସମ୍ପୃକ୍ତ 4 ଜଣ ଅଭିଯୁକ୍ତଙ୍କୁ ଏଟିଏସ ଗିରଫ କରିଛି । ଗ୍ୟାଙ୍ଗର ମୁଖ୍ୟ ଚରଣ ସିଂହଙ୍କୁ ଏଟିଏସ ପୂର୍ବରୁ ଗିରଫ କରିଥିଲା । ମୁଖ୍ୟ ଅଭିଯୁକ୍ତ ପୂର୍ବରୁ ଜାମିନ ଆସିଥିବା ବେଳେ ଏଟିଏସ ଅନ୍ୟ ଅଭିଯୁକ୍ତଙ୍କୁ ଗିରଫ କରିଛି । ଆଇଜି (ଏଟିଏସ) ଏଡିଜି ଅସୀମ ଅରୁଣ କହିଛନ୍ତି, ଗ୍ୟାଙ୍ଗର ସଦସ୍ୟ ମାନେ ବୋଲେରୋ ଓ ପିକ-ଅପରେ ବିସ୍ଫୋରକ ସାମଗ୍ରୀ ନେଇ ଯାଉଥିଲେ । ଝାନ୍ସିର ଉଲଦସ୍ଥିତ ବଙ୍ଗରା ଛକରେ ଏଟିଏସ ଚାରି ଜଣଙ୍କୁ ବିସ୍ଫୋରକ ସାମଗ୍ରୀ ସହିତ ଗିରଫ କରିଥିଲା । ଗିରଫ ଅଭିଯୁକ୍ତମାନେ ହେଲେ ଝାନ୍ସିର ଚରଣ ସିଂହ, ଦୀନବନ୍ଧୁ, ପୁଷ୍ପେନ୍ଦ୍ର ଝା ଓ ମଧ୍ୟପ୍ରଦେଶର ଟିକମଗଡ଼ର ସୀତାରାମ ପାଳ । ଏହି ଲୋକଙ୍କୁ ପଚରାଉଚରା ବେଳେ ଜଣାପଡ଼ିଛି ଯେ, ଅଭିଯୁକ୍ତମାନେ ଓରଛାରୁ ବିସ୍ଫୋରକ ସାମଗ୍ରୀ ନେଇ ଆସୁଥିଲେ ।
Tags:
