ନୂଆଦିଲ୍ଲୀ: ଭାରତ ସରକାରଙ୍କ ଏକ ଉଦ୍ୟୋଗ ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କ (ଆଇପିପିବି) ଏବଂ ଭାରତର ଅଗ୍ରଣୀ ଆର୍ଥିକ ସେବା କମ୍ପାନୀ ଆଦିତ୍ୟ ବିର୍ଲା କ୍ୟାପିଟାଲ୍ ଲିମିଟେଡ୍ (‘ଏବିସିଏଲ’) ସାରା ଭାରତରେ ଋଣ ଉତ୍ପାଦଗୁଡ଼ିକର ପହଞ୍ଚ ଏବଂ ସୁଗମତାକୁ ବିସ୍ତାର କରିବା ପାଇଁ ଏକ ରଣନୈତିକ ସହଭାଗୀତା ଘୋଷଣା କରିଛନ୍ତି।
ଏହି ସହଭାଗୀତା ଆଦିତ୍ୟ ବିର୍ଲା କ୍ୟାପିଟାଲର ବିବିଧ ଋଣ ଉତ୍ପାଦଗୁଡ଼ିକୁ ଆଇପିପିବିର ବ୍ୟାପକ ନେଟୱାର୍କ ଏବଂ ଡିଜିଟାଲ୍ ଭିତ୍ତିଭୂମି ସହିତ ସମନ୍ୱିତ କରିଥାଏ, ଯାହାର ଲକ୍ଷ୍ୟ ସାରା ଦେଶରେ ଆଇପିପିବି ଗ୍ରାହକମାନଙ୍କୁ ସହଜରେ ଋଣ ପ୍ରଦାନ କରିବା। ଏହି ସହଯୋଗିତା ମାଧ୍ୟମରେ, ଆଇପିପିବି ଏହାର ଗ୍ରାହକମାନଙ୍କୁ ଆଦିତ୍ୟ ବିର୍ଲା କ୍ୟାପିଟାଲର ବ୍ୟକ୍ତିଗତ ଋଣ, ବ୍ୟବସାୟ ଋଣ ଏବଂ ସମ୍ପତ୍ତି ବନ୍ଧକ ଋଣ ସମେତ ବ୍ୟାପକ ଋଣ ସମାଧାନ ପ୍ରଦାନ କରିବ।
ଆଇପିପିବି ଗ୍ରାହକମାନେ ଆଦିତ୍ୟ ବିର୍ଲା କ୍ୟାପିଟାଲର ଅତ୍ୟାଧୁନିକ ଡିଜିଟାଲ୍ ପ୍ଲାଟଫର୍ମ ମାଧ୍ୟମରେ ଋଣ ସୁବିଧା ପାଇପାରିବେ, ଯାହା ଶୀଘ୍ର ମଂଜୁରୀ, ସର୍ବନିମ୍ନ ଡକ୍ୟୁମେଣ୍ଟେସନ୍ ଏବଂ ଅସୁବିଧାମୁକ୍ତ ବଣ୍ଟନ ପାଇଁ ଏକ ସୁଗମ ପ୍ରକ୍ରିୟା ସୁନିଶ୍ଚିତ କରିବ। ଏହି ଇକୋସିଷ୍ଟମ ସାରା ଦେଶରେ ଗ୍ରାହକଙ୍କ ବିବିଧ ଆବଶ୍ୟକତା ପୂରଣ କରିବା ଓ ବ୍ୟକ୍ତିଗତ ଆର୍ଥିକ ସମାଧାନ ପ୍ରଦାନ କରିବା ପାଇଁ ଅତ୍ୟାଧୁନିକ ଏଆଇ ଏବଂ ଡାଟା ଆନାଲିଟିକ୍ସକୁ ଏକୀକୃତ କରିଥାଏ।
ଏହି ସହଭାଗୀତା ଉପରେ ନିଜର ମତାମତ ରଖି ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କର ପରିଚାଳନା ନିର୍ଦ୍ଦେଶକ ଏବଂ ସିଇଓ ଶ୍ରୀଯୁକ୍ତ ଆର. ବିଶ୍ବେଶ୍ବରନ କହିଛନ୍ତି, ଗ୍ରାହକମାନଙ୍କୁ ଏକ ବିସ୍ତୃତ ରେଞ୍ଜର ଋଣ ଉତ୍ପାଦ ଉପଲବ୍ଧ କରିବାକୁ ଆମେ ଆଦିତ୍ୟ ବିର୍ଲା କ୍ୟାପିଟାଲ୍ ସହିତ ସହଭାଗୀତା କରି ଆନନ୍ଦିତ। ଏହି ସହଭାଗୀତା ନିଶ୍ଚିତ କରିବ ଯେ ଆମର ଗ୍ରାହକମାନେ ଏକ ସରଳୀକୃତ ଡିଜିଟାଲ୍ ଋଣ ଆବେଦନ ପ୍ରକ୍ରିୟା ମାଧ୍ୟମରେ ସୁଗମ ବିକଳ୍ପ ସହିତ ଋଣ ପାଇପାରିବେ। ଏହି ସହଯୋଗ ଭାରତର ପ୍ରତ୍ୟେକ ସାଧାରଣ ଲୋକଙ୍କ ପାଇଁ ସର୍ବୋତ୍ତମ ବ୍ୟାଙ୍କିଙ୍ଗ୍ ଉତ୍ପାଦ ଏବଂ ସେବା ଉପଲବ୍ଧ ହେବା ନିଶ୍ଚିତ କରିବା ପାଇଁ ଆମର ଦୃଷ୍ଟିକୋଣ ସହିତ ମେଳ ଖାଉଛି।”
ଏହି ଅବସରରେ ଶ୍ରୀଯୁକ୍ତ ରାକେଶ ସିଂହ, କାର୍ଯ୍ୟନିର୍ବାହୀ ନିର୍ଦ୍ଦେଶକ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ନିଯୁକ୍ତ) – ଏନବିଏଫସି, ଆଦିତ୍ୟ ବିର୍ଲା କ୍ୟାପିଟାଲ୍ ଲିମିଟେଡ୍, କହିଛନ୍ତି, “ଏହି ସହଭାଗିତା ଆର୍ଥିକ ଅନ୍ତର୍ଭୁକ୍ତିକରଣକୁ ପ୍ରୋତ୍ସାହିତ କରିବା ତଥା ବ୍ୟକ୍ତିଗତ ଏବଂ ବ୍ୟବସାୟମାନଙ୍କ ପାଇଁ ସହଜ ଋଣ ଉପଲବ୍ଧତା ପ୍ରଦାନ କରିବା ପାଇଁ ଆମର ଦୃଷ୍ଟିକୋଣ ସହିତ ମେଳ ଖାଉଛି। ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କର ବ୍ୟାପକ ପହଞ୍ଚ ଏବଂ ଆମର ସରଳୀକୃତ ଡିଜିଟାଲ୍ ଋଣ ଆବେଦନ ପ୍ରକ୍ରିୟାକୁ ବ୍ୟବହାର କରି, ଆମେ ସୁବିଧାଜନକ ଏବଂ ସୁଗମ କ୍ରେଡିଟ୍ ବିକଳ୍ପ ସହିତ ଏକ ବୃହତ ଗ୍ରାହକ ଆଧାରକୁ ସେବା ଯୋଗାଇବାକୁ ଲକ୍ଷ୍ୟ ରଖିଛୁ।”
ଲୋକମାନଙ୍କ ପାଇଁ ଋଣ ଉପଲବ୍ଧତା ବୃଦ୍ଧି କରିବା ଏବଂ ଅଭିବୃଦ୍ଧି ସୁନିଶ୍ଚିତ କରିବା ଲାଗି ଥିବା ଇଣ୍ଡିଆ ପୋଷ୍ଟ ପେମେଣ୍ଟ ବ୍ୟାଙ୍କ ଏବଂ ଆଦିତ୍ୟ ବିରଳା କ୍ୟାପିଟାଲର ମିଳିତ ଅଙ୍ଗୀକାରକୁ ଏହି ସହଭାଗୀତା ଦର୍ଶାଉଛି । ଆଇପିପିବି ଏବିସିଏଲ ପାଇଁ ଏକ ରେଫରାଲ ପାର୍ଟରନଭାବେ କାମ କରିବ, ତେବେ ଋଣ ମଂଜୁରୀ ଦାୟିତ୍ବ ସଂପୂର୍ଣ୍ଣଭାବେ ଏବିସିଏଲର ହେବ ।
ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କ ବିଷୟରେ:
ଭାରତ ସରକାରଙ୍କ ଶତ ପ୍ରତିଶତ ମାଲିକାନା ସହିତ ଯୋଗାଯୋଗ ମନ୍ତ୍ରଣାଳୟର ଡାକ ବିଭାଗ ଅଧୀନରେ ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କ (ଆଇପିପିବି) ୧ ସେପ୍ଟେମ୍ବର, ୨୦୧୮ରେ ଆରମ୍ଭ ହୋଇଥିଲା। ଭାରତରେ ସାଧାରଣ ଲୋକଙ୍କ ପାଇଁ ସବୁଠାରୁ ସୁଲଭ, ସୁଗମ ଏବଂ ଏକ ଭରସାଯୋଗ୍ୟ ବ୍ୟାଙ୍କ ସୃଷ୍ଟି କରିବା ଲକ୍ଷ୍ୟରେ ଏହି ବ୍ୟାଙ୍କ ପ୍ରତିଷ୍ଠିତ ହୋଇଥିଲା। ଇଣ୍ଡିଆ ପୋଷ୍ଟ ପେମେଣ୍ଟସ୍ ବ୍ୟାଙ୍କର ମୂଳ ଉଦ୍ଦେଶ୍ୟ ହେଉଛି ବ୍ୟାଙ୍କ ସେବାରୁ ବଞ୍ଚିତ ଏବଂ ବ୍ୟାଙ୍କ ସେବା ପହଞ୍ଚିନଥିବା ଲୋକମାନଙ୍କ ପାଇଁ ପ୍ରତିବନ୍ଧକ ଦୂର କରିବା ଏବଂ ଡାକ ନେଟୱାର୍କକୁ ଉପଯୋଗ କରି ବ୍ୟାଙ୍କ ସେବାକୁ ଶେଷ ବ୍ୟକ୍ତି ପର୍ଯ୍ୟନ୍ତ ପହଞ୍ଚାଇବା। ଦେଶର ଡାକ ନେଟୱାର୍କରେ ପ୍ରାୟ ୧,୬୫,୦୦୦ ଡାକଘର ରହିଛି (ଯାହା ମଧ୍ୟରୁ ଗ୍ରାମୀଣ କ୍ଷେତ୍ରରେ ପ୍ରାୟ ୧୪୦,୦୦୦) ଏବଂ ମୋଟ ପ୍ରାୟ ୩,୦୦,୦୦୦ ଡାକ କର୍ମଚାରୀ ଅଛନ୍ତି।
ଆଇପିପିବିର ପହଞ୍ଚ ଏବଂ ଏହାର କାର୍ଯ୍ୟକ୍ଷମ ମଡେଲ ଇଣ୍ଡିଆ ଷ୍ଟାକର ପ୍ରମୁଖ ସ୍ତମ୍ଭଗୁଡ଼ିକ ଉପରେ ଆଧାରିତ – ଏକ କୋର ବ୍ୟାଙ୍କିଙ୍ଗ ସଲ୍ୟୁସନ (ସିବିଏସ) ସଂଯୁକ୍ତ ସ୍ମାର୍ଟଫୋନ୍ ଏବଂ ବାୟୋମେଟ୍ରିକ୍ ଡିଭାଇସ୍ ମାଧ୍ୟମରେ ସରଳ ଏବଂ ସୁରକ୍ଷିତ ଉପାୟରେ ଗ୍ରାହକଙ୍କ ଦ୍ୱାର ପାଖରେ କାଗଜବିହୀନ, ନଗଦବିହୀନ ଏବଂ ଉପସ୍ଥିତି-ବିହୀନ ବ୍ୟାଙ୍କିଂକୁ ସକ୍ଷମ କରିବା। ମିତବ୍ୟୟୀ ନବସୃଜନକୁ ବ୍ୟବହାର କରି ଏବଂ ଜନସାଧାରଣଙ୍କ ପାଇଁ ସହଜ ବ୍ୟାଙ୍କିଂ ଉପରେ ଅଧିକ ଧ୍ୟାନ ଦେଇ, ଆଇପିପିବି ଭାରତର ୫.୫୭ ଲକ୍ଷ ଗ୍ରାମ ଏବଂ ସହରଗୁଡ଼ିକର ୧୧ କୋଟି ଗ୍ରାହକଙ୍କୁ ୧୩ଟି ଭାଷାରେ ଉପଲବ୍ଧ ଏକ ସହଜ ଇଣ୍ଟରଫେସ୍ ମାଧ୍ୟମରେ ସରଳ ଏବଂ ସୁଲଭ ବ୍ୟାଙ୍କିଂ ସମାଧାନ ପ୍ରଦାନ କରେ।
ଆଇପିପିବି ଏକ କମ୍ ନଗଦ ବିଶିଷ୍ଟ ଅର୍ଥନୀତିକୁ ପ୍ରୋତ୍ସାହିତ କରିବା ଏବଂ ଡିଜିଟାଲ ଇଣ୍ଡିଆର ଦୃଷ୍ଟିକୋଣରେ ଯୋଗଦାନ ଦେବା ପାଇଁ ପ୍ରତିବଦ୍ଧ। ଭାରତ ସେତେବେଳେ ସମୃଦ୍ଧ ହେବ ଯେତେବେଳେ ପ୍ରତ୍ୟେକ ନାଗରିକଙ୍କୁ ଆର୍ଥିକ ଭାବରେ ସୁରକ୍ଷିତ ଏବଂ ସଶକ୍ତ ହେବାର ସମାନ ସୁଯୋଗ ମିଳିବ।