ସୋମବାର ଭାରତୀୟ ସେୟାର ବଜାରରେ ବଡ ପରିବର୍ତ୍ତନ ଦେଖିବାକୁ ମିଳିଛି । ସୋମବାର ସେନ୍ସେକ୍ସରେ 400 ପଏଣ୍ଟ ହ୍ରାସ ଘଟିଛି । ଅନ୍ତର୍ଜାତୀୟ ବଜାର ଏହି ସମୟରେ ତଳୁଆ ରହିଥିବାରୁ ଭାରତୀୟ ସେୟାର ବଜାର ମଧ୍ୟ ତଳୁଆ ରହିଛି । ସେନସେକ୍ସ ଏହି ସମୟରେ 400.14 ପଏଣ୍ଟ ତଳକୁ ଖସିବା ସହିତ 37963.87 ପଏଣ୍ଟରେ ରହିଥିବା ବେଳେ ନିଫ୍ଟି 117.65 ପଏଣ୍ଟ ତଳକୁ ଖସି 11302.45 ପଏଣ୍ଟରେ ପହଞ୍ଚିଛି । ଶେଷଥର ପାଇଁ ଜୁଲାଇ 8 ତାରିଖରେ ବଜେଟ୍ ପରେ ସେନସେକ୍ସରେ ଏହିପରି ପରିବର୍ତ୍ତନ ଦେଖିବାକୁ ମିଳିଥିଲା । ଏହି ସମୟରେ ବଜାଜ ଫାଇନାନ୍ସ,, ଏଚ୍ଡିଏଫ୍ସି, ଇଣ୍ଡସଇଣ୍ଡ ବ୍ୟାଙ୍କ, କୋଟାକ ବ୍ୟାଙ୍କ କ୍ଷତି ସହିଥିବା ବେଳେ ବେଦାନ୍ତ, ଟାଟଶ ମୋଟର୍ସ, ୟେସ୍ ବ୍ୟାଙ୍କ ଏବଂ ଏସିଆନ୍ ପେଣ୍ଟସ୍ ଲାଭ ହାସଲ କରିଛନ୍ତି । ଏହି ସମୟରେ ଡଲାର ତୁଳନାରେ ଭାରତୀୟ ମୁଦ୍ରା 26 ପଇସା ଦୁର୍ବଳ ହୋଇଛି । ପୂର୍ବରୁ ଡଲାର ତୂଳନାରେ ଟଙ୍କାର ମୂଲ୍ୟ 68.95 ରହିଥିବା ବେଳେ ବର୍ତ୍ତମାନ ଏହା 69.09 ଟଙ୍କା ରହିଛି ।
Markets in panic: Sensex plunges 700 points, Fear index jumps 16%