ନୂଆଦିଲ୍ଲୀ: କରୁଣ ନାୟାର ଇଂଲଣ୍ଡ ଗସ୍ତରେ ଦ୍ୱିଶତକୀୟ ପାଳି ଖେଳିଛନ୍ତି। କରୁଣ ନାୟାର ୨୮୧ ବଲରେ ୨୦୪ ରନ କରି ଆଉଟ ହୋଇଛନ୍ତି। କରୁଣ ଏବେ ବି ଇଂଲଣ୍ଡ ବୋଲରଙ୍କ ବିପକ୍ଷରେ କ୍ରିଜରେ ଠିଆ ହୋଇଛନ୍ତି। ଭାରତ ଏ ଏବଂ ଇଂଲଣ୍ଡ ଲାୟନ୍ସ ମଧ୍ୟରେ ଚାଲିଥିବା ମ୍ୟାଚ୍ ସମୟରେ କରୁଣ ନାୟାରଙ୍କ ବ୍ୟାଟ୍ ରୁ ଏହି ଦ୍ୱିଶତକ ଆସିଛି। ଏହି ଖେଳାଳି ଟିମ୍ ଇଣ୍ଡିଆ ପାଇଁ ‘ଶକ୍ତିର ଉତ୍ସ’ ପ୍ରମାଣିତ ହୋଇଛନ୍ତି।
ଏହି ମ୍ୟାଚ୍ ଶୁକ୍ରବାର, ୩୦ ମେ’ରେ ଆରମ୍ଭ ହୋଇଥିଲା। ଇଂଲଣ୍ଡ ଦଳ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ଅନ୍ୟପକ୍ଷରେ ଭାରତୀୟ ଦଳ ଆଜି ମ୍ୟାଚ୍ ର ଦ୍ୱିତୀୟ ଦିନରେ ଖବର ଲେଖା ହେବା ଯାଏଁ ୧୨୦ ଓଭରରେ ୮ ୱିକେଟ ହରାଇ ୫୩୪ ରନ୍ କରିଛି।
ଅଭିମନ୍ୟୁ ଈଶ୍ୱରନଙ୍କୁ ଇଂଲଣ୍ଡ ଗସ୍ତରେ ଭାରତୀୟ ଏ ଦଳର ଅଧିନାୟକ କରାଯାଇଛି। ଭାରତ ପ୍ରଥମ ଦୁଇଟି ୱିକେଟ ଶୀଘ୍ର ହରାଇଥିଲା, କିନ୍ତୁ କରୁଣ ନାୟାର ଏବଂ ସରଫରାଜ ଖାନଙ୍କ ଯୋଡ଼ି ମ୍ୟାଚ୍ ସମ୍ଭାଳିଥିଲେ। ସରଫରାଜ ୧୧୯ ବଲ୍ରେ ୯୨ ରନ୍ର ଇନିଂସ ଖେଳିଥିଲେ। ଧ୍ରୁବ ଜୁରେଲ୍ ୧୨୦ ବଲ୍ରେ ୯୪ ରନ୍ କରି ଶତକରୁ ବଞ୍ଚିତ ହୋଇଥିଲେ।
କରୁଣ ନାୟାରଙ୍କ ଟିମ୍ ଇଣ୍ଡିଆକୁ ପ୍ରତ୍ୟାବର୍ତ୍ତନ:
ଭାରତର ସିନିୟର ଦଳ ମଧ୍ୟ ଆସନ୍ତା ଜୁନ୍ରେ ଇଂଲଣ୍ଡ ଗସ୍ତ କରିବାକୁ ଯାଉଛି। ଏହି ଗସ୍ତରେ ଟିମ୍ ଇଣ୍ଡିଆ ପାଞ୍ଚ ମ୍ୟାଚ୍ର ଟେଷ୍ଟ ସିରିଜ୍ ଖେଳିବ। ଇଂଲଣ୍ଡ ଗସ୍ତ ପାଇଁ ଭାରତୀୟ ଦଳ ମଧ୍ୟ ଘୋଷଣା କରାଯାଇଛି। କରୁଣ ନାୟାରଙ୍କୁ ମଧ୍ୟ ଭାରତର ସିନିୟର ଦଳରେ ସାମିଲ କରାଯାଇଛି। କରୁଣ ପ୍ରାୟ ୮ ବର୍ଷ ପରେ ଭାରତ ପାଇଁ ଟେଷ୍ଟ କ୍ରିକେଟ୍ରେ ପ୍ରତ୍ୟାବର୍ତ୍ତନ କରୁଛନ୍ତି। କରୁଣ ନାୟାର ତାଙ୍କ ଅନ୍ତର୍ଜାତୀୟ କ୍ରିକେଟ୍ କ୍ୟାରିୟରରେ ଏକ ତ୍ରିଶତକ ମଧ୍ୟ ମାରିଛନ୍ତି।