କର୍ଣ୍ଣାଟକ ରାଜନୀତିରେ ହାଇଡ୍ରାମା ଏ ପର୍ଯ୍ୟନ୍ତ ଶେଷ ହେବାର ନା ନେଉନାହିଁ। ଅନାସ୍ଥାପ୍ରସ୍ତାବ ଉପରେ ୩ ଦିନ ଚର୍ଚ୍ଚା ହେବା ପରେ ମଧ୍ୟ ସୋମବାର ବିଳମ୍ବିତ ରାତି ଯାଏଁ କୌଣସି ଫଳ ବାହାରି ପାରି ନାହିଁ। ଶେଷରେ ବାଚସ୍ପତି ବିଧାନସଭାର ଅଧିବେଶନକୁ ମଙ୍ଗଳବାର ଯାଏଁ ସ୍ଥଗିତ କରି ଦେଇଛନ୍ତି। ସୂଚନା ଅନୁସାରେ ଆଜି ସନ୍ଧ୍ୟା ୬ଟାରେ ଶକ୍ତି ପରୀକ୍ଷା ହେବ। ବିଜେପି ଓ ଜେଡିଏସ-କଂଗ୍ରେସ ବିଧାୟକଙ୍କର ହଙ୍ଗାମା ଚାଲିଥିବା ବେଳେ ପୂର୍ବତନ ମୁଖ୍ୟମନ୍ତ୍ରୀ ଏବଂ ବରିଷ୍ଠ କଂଗ୍ରେସ ନେତା ସିଦ୍ଧରମୈୟା ଗୃହରେ କହିଛନ୍ତି, ମଙ୍ଗଳବାର ଆମର କିଛି ସଦସ୍ୟଙ୍କ ସମ୍ବୋଧନ ପରେ ବହୁମତ ପରୀକ୍ଷଣ ପୂରା କରାଯିବ। ତେବେ ଆଜି କର୍ଣ୍ଣାଟକ ରାଜନୀତିରେ ସନ୍ଧ୍ୟା ସୁଦ୍ଧା କିଛି ନିଷ୍କର୍ଷ ବାହାରିବ ବୋଲି ଆଶା କରାଯାଉଛି।
Tags:
