ନୂଆଦିଲ୍ଲୀ: ଭାରତର ଏ ଦଳ ଏବଂ ଇଂଲଣ୍ଡ ଲାୟନ୍ସ ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ୍ ଖେଳାଯାଉଛି। ଏହି ମ୍ୟାଚ୍ରେ ଇଂଲଣ୍ଡ ଦଳ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। କେଏଲ୍ ରାହୁଲ ଏହି ଟେଷ୍ଟ ମ୍ୟାଚ୍ରେ ଓପନିଂ ବ୍ୟାଟ୍ସମ୍ୟାନ୍ ଭାବରେ ଖେଳୁଛନ୍ତି। ରାହୁଲ ଇଂଲଣ୍ଡ ବିପକ୍ଷରେ ପ୍ରଥମ ମ୍ୟାଚ୍ରେ ଶତକ ହାସଲ କରିଛନ୍ତି। ରାହୁଲ ଏହି ଶତକ ହାସଲ କରିବା ପାଇଁ ୧୫୧ ବଲ୍ର ସମ୍ମୁଖୀନ ହୋଇଥିଲେ। ରାହୁଲ ମୋଟ ୧୬୮ ବଲ ଖେଳି ୧୧୬ ରନ କରିଥିଲେ। ସେ ଜର୍ଜ ହିଲଙ୍କ ବଲରେ ଆଉଟ ହୋଇ ପ୍ୟାଭିଲିୟନ ଫେରିଥିଲେ।
ରୋହିତ ଶର୍ମାଙ୍କ ବଦଳ ଖେଳାଳି
ରୋହିତ ଶର୍ମା ଗତ ମାସ ୭ ମେ’ରେ ଟେଷ୍ଟ କ୍ରିକେଟ୍ରୁ ଅବସର ଘୋଷଣା କରିଥିଲେ। ଏହା ପରେ ଦଳର ଅଧିନାୟକତ୍ୱ ସହିତ ଏକ ବଡ଼ ପ୍ରଶ୍ନ ମଧ୍ୟ ଉଠିଥିଲା ଯେ, ଏବେ ଦଳରେ ଯଶସ୍ୱୀ ଜୟସ୍ଵାଲଙ୍କ ସହିତ କିଏ ଓପନିଂ କରିବାକୁ ଆସିବ। ସେହି ସମୟରେ କେଏଲ୍ ରାହୁଲଙ୍କ ଶତକ ଏହାର ଉତ୍ତର ଦେଇଛି। ଏହି ମ୍ୟାଚ୍ରେ ରାହୁଲ ଯଶସ୍ୱୀଙ୍କ ସହିତ ଓପନିଂ କରିବାକୁ ଆସିଥିଲେ ଏବଂ ଇଂଲଣ୍ଡ ବିପକ୍ଷରେ ପ୍ରଥମ ମ୍ୟାଚ୍ରେ ଶତକ ହାସଲ କରିଛନ୍ତି।