ନୂଆଦିଲ୍ଲୀ: ଭାରତର-ଏ ଦଳ ଶୁଭମନ ଗିଲଙ୍କ ନେତୃତ୍ୱରେ ମୁଖ୍ୟ ଦଳ ସହିତ ଏକ ଅଭ୍ୟାସ ମ୍ୟାଚ୍ ଖେଳୁଛି। ଦ୍ୱିତୀୟ ଦିନରେ ଭାରତ-ଏ ପାଇଁ ଖେଳୁଥିବା ସରଫରାଜ ଖାନ ଏକ ଚମତ୍କାର ଶତକ ମାରିଛନ୍ତି, ଏହା ପୂର୍ବରୁ ମଧ୍ୟ ସେ ଇଂଲଣ୍ଡରେ ଏକ ଚମତ୍କାର ଇନିଂସ ଖେଳିଥିଲେ। ଯଦିଓ ସେ ଇଂଲଣ୍ଡ ବିପକ୍ଷରେ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଭାରତୀୟ ଦଳର ଅଂଶ ନୁହଁନ୍ତି, କିନ୍ତୁ ସେ ଏବେ ସାମିଲ ହୋଇପାରିବେ କି?
ଭାରତ ଏବଂ ଭାରତ-ଏ ଦଳ ମଧ୍ୟରେ ଆନ୍ତଃ-ସ୍କ୍ୱାଡ୍ ଅଭ୍ୟାସ ମ୍ୟାଚ୍ କେଣ୍ଟି କାଉଣ୍ଟି ଗ୍ରାଉଣ୍ଡରେ ଖେଳାଯାଉଛି। ସର୍ଫରାଜ ଖାନ ଶତକ ମାରିଥିବା ବେଳେ, ଜସପ୍ରିତ ବୁମରାହ ଗୋଟିଏ ବି ୱିକେଟ ପାଇ ନଥିଲେ, ମହମ୍ମଦ ସିରାଜ ୨ ଟି ୱିକେଟ ପାଇଥିଲେ କିନ୍ତୁ ସେ ବହୁତ ରନ ଦେଇଥିଲେ।
ଇଂଲଣ୍ଡ ବିପକ୍ଷରେ ଟେଷ୍ଟ ଦଳରେ ସରଫରାଜ ଖାନଙ୍କୁ ଚୟନ କରାଯାଇ ନଥିଲା, କିନ୍ତୁ ସେ ଭାରତ-ଏ ଦଳ ସହିତ ଇଂଲଣ୍ଡରେ ପହଞ୍ଚିଥିଲେ। ସେ ପୂର୍ବରୁ ଇଂଲଣ୍ଡ ଲାୟନ୍ସ ବିପକ୍ଷରେ ୯୨ ରନର ଏକ ଚମତ୍କାର ଇନିଂସ ଖେଳିଥିଲେ, ଏବେ ସେ ଅଭ୍ୟାସ ମ୍ୟାଚ୍ ରେ ଶୁଭମନ ଗିଲଙ୍କ ଦଳ ବିପକ୍ଷରେ ମଧ୍ୟ ଶତକ ହାସଲ କରିଛନ୍ତି। ତାଙ୍କର ନିରନ୍ତର ଭଲ ପ୍ରଦର୍ଶନ ସହିତ ସେ ଚୟନକର୍ତ୍ତାମାନଙ୍କୁ କହିଛନ୍ତି ଯେ, ସେ ଏହି ଗସ୍ତ ପାଇଁ ମଧ୍ୟ ପ୍ରସ୍ତୁତ।
ଜସପ୍ରିତ ବୁମରାହ ଅଭ୍ୟାସ ମ୍ୟାଚ୍ ର ଦ୍ୱିତୀୟ ଦିନରେ ମଧ୍ୟ କୌଣସି ୱିକେଟ ପାଇପାରିନାହାନ୍ତି। ସେ ୫ ଇକୋନୋମିରେ ରନ୍ ଦେଇଥିଲେ। ସିରାଜ ୨ ୱିକେଟ ପାଇଥିଲେ, କିନ୍ତୁ ତାଙ୍କର ଇକୋନୋମି ୭ ଥିଲା। ପ୍ରସିଦ୍ଧ କୃଷ୍ଣ ୨ ଏବଂ ନୀତିଶ କୁମାର ରେଡ୍ଡୀ ୧ ୱିକେଟ ପାଇଥିଲେ। ଦ୍ୱିତୀୟ ଦିନର ଖେଳ ଶେଷ ସୁଦ୍ଧା ଭାରତ ଏ ଦଳର ସ୍କୋର ୨୬୬/୬ ଥିଲା। ସାଇ ସୁଦର୍ଶନ ୩୮ ରନ ଏବଂ ଇଶାନ କିଶାନ ୪୫ ରନ କରିଥିଲେ। ଋତୁରାଜ ଗାୟକୱାଡ ଶୂନ୍ୟରେ ଆଉଟ ହୋଇଥିଲେ।
କ’ଣ ସରଫରାଜ ଏବେ ମୁଖ୍ୟ ଦଳରେ ସାମିଲ ହେବେ?
ଦଳର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଏ ବିଷୟରେ ଏକ ବଡ଼ କଥା କହିଛନ୍ତି। ସେ କହିଥିଲେ ଯେ, ଯଦି ଜଣେ ଖେଳାଳି ଭଲ ପ୍ରଦର୍ଶନ କରନ୍ତି, ତେବେ ତାଙ୍କୁ ଗସ୍ତର ମଧ୍ୟଭାଗରେ ମଧ୍ୟ ଡକାଯାଇପାରିବ। ଏହି କାରଣରୁ ସରଫରାଜ ପ୍ରତ୍ୟେକ ସୁଯୋଗର ସଦୁପଯୋଗ କରିବାକୁ ଚାହାଁନ୍ତି, ଯାହା ଦ୍ଵାରା ଯଦି କୌଣସି ଖେଳାଳି କୌଣସି କାରଣରୁ ବାଦ ପଡ଼େ, ତେବେ ସେ ମୁଖ୍ୟ ଦଳରେ ସ୍ଥାନ ପାଇପାରିବେ।
ଭାରତ ବନାମ ଭାରଏ ଏକ ଅଭ୍ୟାସ ମ୍ୟାଚ୍ ପ୍ରସାରଣ କିମ୍ବା ସିଧାପ୍ରସାରଣ କରାଯାଉନାହିଁ। ଭାରତ ବନାମ ଇଂଲଣ୍ଡ ପ୍ରଥମ ଟେଷ୍ଟ ଜୁନ୍ ୨୦ ତାରିଖରୁ ଖେଳାଯିବ। ସେହି ମ୍ୟାଚ୍ ଷ୍ଟାର ସ୍ପୋର୍ଟସ୍ ନେଟୱାର୍କରେ ସିଧାପ୍ରସାରଣ କରାଯିବ ଏବଂ ଜିଓହୋଷ୍ଟର ଆପରେ ସିଧାପ୍ରସାରଣ ହେବ।
