ରାଜ୍ୟରେ ନାବାଳିକା ଅସଦାରଣ ପ୍ରସଙ୍ଗରେ ଗୃହରେ ମୁଲତବୀ ଆଲୋଚନା ହୋଇଛି। ଏହି ଆଲୋଚନା ସମୟରେ ବିଭାଗୀୟ ମନ୍ତ୍ରୀ ବିକ୍ରମ କେଶରୀ ଆରୁଖ ଉତ୍ତର ରଖିଛନ୍ତି। ମନ୍ତ୍ରୀ କହିଛନ୍ତି ଯେ, ୨୦୧୮ ତୁଳନାରେ ୨୦୧୯ରେ ଦୁଷ୍କର୍ମ ଅପରାଧରେ ୫.୯ ଭାଗ ହ୍ରାସ ଘଟିଛି। ମନ୍ତ୍ରୀଙ୍କ ଉତ୍ତରରେ ଅସନ୍ତୋଷ ପ୍ରକଟ କରି ବିରୋଧୀ କକ୍ଷତ୍ୟାଗ କରିଛନ୍ତି। ମୁଲତବୀ ଆଲୋଚନା ସମୟରେ ମନ୍ତ୍ରୀ ବିକ୍ରମ ଆରୁଖ କହିଛନ୍ତି ଯେ, ୨୦୧୯ ମେ ସୁଦ୍ଧା ରାଜ୍ୟରେ ୯୩୭ଟି ଦୁଷ୍କର୍ମ ମାମଲା ପଞ୍ଜୀକୃତ ହୋଇଛି। ୨୦୧୮ ମେ ଶେଷ ସୁଦ୍ଧା ୯୯୬ ଦୁଷ୍କର୍ମ ମାମଲା ପଞ୍ଜୀକୃତ ହୋଇଥିଲା। ଏହି ପରି ୨୦୧୮ ତୁଳନାରେ ୨୦୧୯ରେ ଦୁଷ୍କର୍ମ ଅପରାଧ ୫.୯ ଭାଗ ହ୍ରାସ ପାଇଛି। ୬୦ ଦିନ ମଧ୍ୟରେ ଦୁଷ୍କର୍ମ ମାମଲାରେ ଚୂଡ଼ାନ୍ତ ତଦନ୍ତର ବ୍ୟବସ୍ଥା ହୋଇଛି। ମନ୍ତ୍ରୀ କହିଛନ୍ତି ଯେ, ମହିଳା ଓ ଶିଶୁଙ୍କ ସୁରକ୍ଷା ପାଇଁ ସରକାର ଟୋଲ ଫ୍ରି ନମ୍ବର ବ୍ୟବସ୍ଥା ହୋଇଛି। ଅନେକ ମାମଲାରେ ଅଭିଯୁକ୍ତ ଧରା ପଡ଼ିଛନ୍ତି। ଅନୁଗୁଳ ଥାନା ଅଞ୍ଚଳରେ ଦୁଷ୍କର୍ମ ମାମଲାରେ ଅଭିଯୁକ୍ତ ଧରା ପଡ଼ିଛି। ଭବାନୀପାଟଣା ଶିଶୁ ଯତ୍ନ କେନ୍ଦ୍ରରେ ନିର୍ଯାତନା ମାମଲାରେ ମଧ୍ୟ ଅଭିଯୁକ୍ତ ଗିରଫ ହୋଇଛି। ମୋଟ୍ ଉପରେ ରାଜ୍ୟରେ ଆଇନଶୃଙ୍ଖଳା ସଂପୂର୍ଣ୍ଣ ନିୟନ୍ତ୍ରଣରେ ରହିଛି ବୋଲି କହିଛନ୍ତି ମନ୍ତ୍ରୀ ବିକ୍ରମ କେଶରୀ ଆରୁଖ ।
