ଭାରତୀୟ କ୍ରିକେଟ ଦଳର ଜର୍ସିରେ ବାଇଜୁସ୍ର ଲୋଗୋ ନଜର ଆସିବ । ପୂର୍ବରୁ ଓପୋର ଲୋଗୋ ଭାରତୀୟ ଦଳର ଜର୍ସିରେ ରହିଥିବା ବେଳେ ଆସନ୍ତା ସେପ୍ଟେମ୍ବର 25 ତାରିଖରୁ ବାଇଜୁସ୍ର ଲୋଗୋ ନଜର ଆସିବ । 2017ରେ ଓପୋ ସହିତ ବିସିସିଆଇର 5 ବର୍ଷୀୟ ଚୁକ୍ତି ହୋଇଥିଲା । 1079 କୋଟିର ଏହି ଚୁକ୍ତି ରହିଥିବା ବେଳେ ଓପୋ ବର୍ତ୍ତମାନ ବାଇଜୁସ୍ ସହିତ ଏହି ଚୁକ୍ତିକୁ ପରିବର୍ତ୍ତିତ କରିବା ନିମନ୍ତେ ରାଜି ହୋଇଛି । ଏନେଇ ଗୁରୁବାର ଦିନ ବିସିସିଆଇ, ଓପ୍ପୋ ଏବଂ ବାଇଜୁସ୍ ମଧ୍ୟରେ ଏକ ଚୁକ୍ତି ସ୍ବାକ୍ଷର ହୋଇଛି । ଏହି ଚୁକ୍ତି ଅନୁଯାୟୀ ଆସନ୍ତା ସେପ୍ଟେମ୍ବର 25 ତାରିଖରେ ଅନୁଷ୍ଠିତ ହେବାକୁ ଥିବା ଦକ୍ଷିଣ ଆଫ୍ରିକା ବିପକ୍ଷ ଘରୋଇ ସିରିଜ୍ରୁ ବାଇଜୁସ୍ର ଲୋଗୋ ଭାରତୀୟ ଜର୍ସିରେ ନଜର ଆସିବ । ଦ୍ବିପାକ୍ଷିକ ସିରିଜ୍ର ପ୍ରତି ମ୍ୟାଚ୍ ପିଛା ବିସିସିଆଇକୁ 4.61 କୋଟି ଟଙ୍କା ମିଳୁଥିବା ବେଳେ ଆଇସିସି ଟୁର୍ଣ୍ଣାମେଣ୍ଟରେ ପ୍ରତି ମ୍ୟାଚ୍ ପିଛା 1.56 କୋଟି ଟଙ୍କା ମିଳୁଛି ।
Tags:
