ଲୋକସଭାରେ ସମାଜବାଦୀ ପାର୍ଟି ସାଂସଦ ଆଜମ ଖାନ୍ ଏକ ବିବାଦୀୟ ବୟାନ ଦେଇଛନ୍ତି । ମହିଳା ସାଂସଦ ତଥା ଗୃହର ସଭାପତି ଭାବରେ କାର୍ଯ୍ୟ ଚଳାଉଥିବା ରମାଦେବୀଙ୍କ ଉଦ୍ଦେଶ୍ୟରେ କିଛି ଅପମାନ ଜନକ ଶବ୍ଦର ବ୍ୟବହାର କରିଥିଲେ ଆଜମ୍ । ବାଚସ୍ପତି ଓମ୍ ବିର୍ଲାଙ୍କ ଅନୁପସ୍ଥିତିରେ ଗୃହକାର୍ଯ୍ୟ ଚଳାଉଥିଲେ ରମାଦେବୀ । ଆଜମ୍ଙ୍କ ମତକୁ ଗୃହର ବିବରଣୀରୁ ବାଦ ଦେଇଛନ୍ତି ବାଚସ୍ପତି ଓମ୍ ବିର୍ଲା । ଏହି ମନ୍ତବ୍ୟ ପରେ ଆଇନ୍ ମନ୍ତ୍ର ରବି ଶଙ୍କର ପ୍ରସାଦ ଆଜମ୍ଙ୍କ କ୍ଷମା ପ୍ରାର୍ଥନା ଦାବି କରିଛନ୍ତି । ମୁଁ କୌଣସି ଅଣ ସାମ୍ବିଧାନିକ ଶବ୍ଦ ବ୍ୟବହାର କରିନାହିଁ ଏବଂ ଯଦି ଏହା ପ୍ରମାଣିତ ହୁଏ ତେବେ ମୁଁ ତୁରନ୍ତ ଇସ୍ତଫା ପ୍ରଦାନ କରିବି ବୋଲି ଆଜମ୍ ଖାନ୍ କହିଛନ୍ତି । ସେହିପରି ସମାଜବାଦୀ ଦଳ ମୁଖ୍ୟ ଅଖିଳେଶ ଯାଦବ ଏହି ମାମଲାରେ ଆଜମ୍ଙ୍କ ସମର୍ଥନ କରିଛନ୍ତି ।
Tags:
