ପୁରୀ: ଆଜି ସଂଧ୍ୟାରେ ତିନି ରଥରେ ମହାପ୍ରଭୃଙ୍କ ଅଧରପଣା ନୀତି ଅନୁଷ୍ଠିତ ହୋଇଯାଇଛି। ତିନି ରଥରେ ତିନିଟି ଲେଖାଏଁ ହିସାବରେ ମୋଟ ନଅଟି ମାଟି ହାଣ୍ଡିରେ ପଣା ରଖି ଲାଗି କରାଯାଇଥିଲା। ଏହାପରେ ପଣା ଭର୍ତ୍ତି ସେହି ହାଣ୍ଡିଗୁଡିକୁ ରଥ ଉପରେ ଭାଙ୍ଗି ଦିଆଯାଇଥିଲା। ଫଳରେ ରଥସାରା ସୁବାଶିତ ପଣା ବିଛେଇ ହୋଇ ଢାଳି ହୋଇଥିଲା।
ରଥରେ ଏହି ପରଂପରା ବହୁ ପ୍ରାଚୀନ ଯୁଗର ହୋଇଆସୁଛି। ଏହା ମହାପ୍ରଭୃଙ୍କ ରଥଯାତ୍ରାର ଏକ ବିଧି। ଏହି ପଣାହାଣ୍ଡି ଭାଙ୍ଗିବାର ମୁଖ୍ୟ ଉଦ୍ଦେଶ୍ୟ ହେଉଛି ସେଠାରେ ଥିବା ଚଣ୍ଡିଚାମୁଣ୍ଡାଙ୍କୁ ପ୍ରଦାନ କରିବା। ସେମାନେ ମଧ୍ୟ ପ୍ରଭୃଙ୍କ ପ୍ରସାଦ ଖାଇାବକୁ ହକଦାର। ସେଥିପାଇଁ ରଥରେ ପଣାହାଣ୍ଡି ଭାଙ୍ଗି ସେମାନଙ୍କୁ ପ୍ରଦାନ କରିବାର ବିଧି ପ୍ରଚଳିତ ରହିଛି।
ଏହି ପଣା ପ୍ରସ୍ତୁତି ମଧ୍ୟ ଏକ ଭିନ୍ନ ପ୍ରକାରର। ବଡଓଡ଼ିଆ ମଠ, ରାଘବଦାସ ମଠ ଓ ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରଦତ୍ତ ଛେନା, ଛାଚି, କ୍ଷୀର, ସର, ଗୋଲମରିଚ, କର୍ପୁର, ଜାଇଫଳ, କଦଳୀ ଆଦିକୁ ମିଶ୍ରଣ କରାଯାଇ ଏହି ପଣା ପ୍ରସ୍ତୁତ କରାଯାଏ। ଆସନ୍ତାକାଲି ମହାପ୍ରଭୃଙ୍କ ରଥଯାତ୍ରାର ଶେଷ ପର୍ଯ୍ୟାୟ। ଆସନ୍ତାକାଲି ମହାପ୍ରଭୃ ରତ୍ନସିଂହାସନକୁ ବିଜେ କରିବେ।