ଭୁବନେଶ୍ବର: ଆଜି ଭୁବନେଶ୍ବର ବିଜେଡି ଛାତ୍ରୀ ମୃତ୍ୟୁ ନେଇ ତୁମ୍ବି ତୋଫାନ କରିଥିବା ବେଳେ ଆସନ୍ତକାଲି ଓଡିଶା ବନ୍ଦ କରିବ ପ୍ରଦେଶ କଂଗ୍ରେସ। ଓଡିଶାରେ ବିଜେପି ସରକାର ଅମଳରେ ନାରୀ ନିର୍ଯ୍ୟାତନ ତଥା ବଳତ୍କାର ବୃଦ୍ଧି ପାଇବାରେ ଲାଗିଛି। ଯାହାର ଉଦାହରଣ ହେଲା ବାଲେଶ୍ବର ଛାତ୍ରୀ ସୌମ୍ୟାଶ୍ରୀ ବିଶି। ମୃତ ଛାତ୍ରୀକୁ ନ୍ୟାୟ ପ୍ରଦାନ ଦାବୀରେ ଏହି ବନ୍ଦ ଡାକରା ଦେଇଛି କଂଗ୍ରେସ।
ଏହି ଡାକରାରେ ସାମିଲ ହେବା ପାଇଁ ଦିଲ୍ଲୀରୁ ଆସିଛନ୍ତି ଜାତୀୟ ମହିଳା କଂଗ୍ରେସ ଅଧ୍ୟକ୍ଷ ଅଳକା ଲାମ୍ବା। ସେ ଭୁବନେଶ୍ବରରେ ପହଁଞ୍ଚିବା ପରେ ଆରମ୍ଭ କରିଛନ୍ତି ବୈଠକ। ଏହି ବନ୍ଦ ଡାକରା କିପରି ସଫଳ ହେବ ସେ ନେଇ ସଭାପତି ଭକ୍ତ ଦାସଙ୍କ ସହିତ ଲମ୍ବା ଆଲୋଚନା କରିଛନ୍ତି। ଦୀର୍ଘ ସମୟ ଧରି ସେ ବୈଠକ କରି ପୁରା ରଣନୀତି ତିଆରି କରିଛନ୍ତି। ତେବେ ଏହି ଓଡିଶା ବନ୍ଦରେ ବାମ ଦଳ ମଧ୍ୟ ସାମିଲ ହେବେ।