ନୂଆଦିଲ୍ଲୀ: ଇରାକର ଏକ ସପିଂ ମଲରେ ଭୟଙ୍କର ଅଗ୍ନିକାଣ୍ଡରେ ଅତି କମରେ ୫୦ ଜଣ ଜୀବନ୍ତ ଦଗ୍ଧ ହୋଇଥିବା ସୂଚନା ମିଳିଛି। ସମ୍ବାଦ ସରବରାହ ସଂସ୍ଥା ଏଏଫପି ଅନୁଯାୟୀ, ଇରାକର ଅଲ-କୁଟରେ ଏକ ସୁପରମାର୍କେଟରେ ଏହି ଅଗ୍ନିକାଣ୍ଡ ଘଟିଥିବା ଦାବି କରାଯାଉଛି। ଭାଇରାଲ ଫଟୋଗୁଡ଼ିକ ଦର୍ଶାଉଛି ଯେ, କୋଠାର ଏକ ବଡ଼ ଅଂଶ ଜଳୁଛି ଏବଂ ଧୂଆଁ ବାହାରୁଛି।
ଦୁର୍ଘଟଣା ସହିତ ଜଡିତ ଏକ ଭିଡିଓ ସୋସିଆଲ ମିଡିଆ ପ୍ଲାଟଫର୍ମରେ ମଧ୍ୟ ଭାଇରାଲ ହେଉଛି, ଯେଉଁଥିରେ ପାଞ୍ଚ ମହଲା ବିଶିଷ୍ଟ କୋଠାଟି ନିଆଁରେ ଜଳୁଥିବା ଦେଖାଯାଉଛି। ଅଗ୍ନିଶମ କର୍ମଚାରୀମାନେ ନିଆଁକୁ ନିୟନ୍ତ୍ରଣ କରିବାକୁ ସଂଘର୍ଷ କରୁଛନ୍ତି। ତଥାପି, ଅଗ୍ନିକାଣ୍ଡର ସଠିକ୍ କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ, କିନ୍ତୁ ଗଣମାଧ୍ୟମ ଅନୁଯାୟୀ, ରାଜ୍ୟପାଳ କହିଛନ୍ତି ଯେ ତଦନ୍ତର ପ୍ରାଥମିକ ଫଳାଫଳ ୪୮ ଘଣ୍ଟା ମଧ୍ୟରେ ପ୍ରକାଶ କରାଯିବ।”