ରାଜ୍ୟରେ ଭିକାରୀ ସଂଖ୍ୟା ନେଇ ବିଧାନସଭାରେ ଉତ୍ତର ରଖାଯାଇଛି । ମନ୍ତ୍ରୀ ଅଶୋକ ପଣ୍ଡା ଉତ୍ତର ରଖି ରାଜ୍ୟର ସମୁଦାୟ ଭିକାରୀ ସଂଖ୍ୟା ସମ୍ପର୍କରେ ସୂଚନା ଦେଇଛନ୍ତି । ରାଜ୍ୟରେ ସମୁଦାୟ 6390 ଭିକାରୀ ରହିଥିବା ବେଳେ କଟକ ଜିଲ୍ଲାରେ ସର୍ବାଧିକ 1060 ଭିକାରୀ ରହିଥିବା ସୂଚନା ମିଳିଛି । ସେହିପରି ଦେବଗଡରେ ସର୍ବନିମ୍ନ 16 ଜଣ ଭିକାରୀ ରହିଥିବା ଜଣାପଡିଛି । ବୌଦ୍ଧରେ 19 ଏବଂ ମାଲକାନଗିରିରେ 21 ଜଣ ଭିକାରୀଙ୍କୁ ଚିହ୍ନଟ କରାଯାଇଛି । କଟକ ପରେ ଦ୍ବିତୀୟ ସର୍ବାଧିକ ଭିକାରୀ ବଲାଙ୍ଗୀର ଜିଲ୍ଲାରେ ରହିଛନ୍ତି । ବଲାଙ୍ଗୀରରେ 708 ଜଣ ଭିକାରୀଙ୍କୁ ଚିହ୍ନଟ କରାଯାଇଥିବା ବେଳେ ମୟୁରଭଞ୍ଜରେ 485, ଗଞ୍ଜାମରେ 458 ଏବଂ ପୁରୀରେ 120 ଜଣ ଭିକାରୀଙ୍କୁ ଚିହ୍ନଟ କରାଯାଇଛି ।
