ତେଲୁଗୁ ବ୍ଲକ୍ବଷ୍ଟର ଅର୍ଜୁନ ରେଡ୍ଡୀର ବଲିଉଡ୍ ରିମେକ୍ କବୀର ସିଂରେ ଚମତ୍କାର ପ୍ରଦର୍ଶନ ପରେ ଶାହିଦ୍ କପୁରଙ୍କୁ ଆଉ ଏକ ତେଲୁଗୁ ଫିଲ୍ମର ହିନ୍ଦି ରିମେକ୍ର ଅଫର ମିଳିଛି । ନିକଟରେ ରିଲିଜ୍ ହୋଇଥିବା ତେଲୁଗୁ ଫିଲ୍ମ ଜର୍ସିର ହିନ୍ଦି ରିମେକ୍ ନିମନ୍ତେ ଶାହିଦ୍ଙ୍କୁ ଅଫର ମିଳିଛି । କବୀର ସିଂ ବକ୍ସ ଅଫିସ୍ରେ 250 କୋଟି ଅତିକ୍ରମ କରିଥିବା ବେଳେ ଶାହିଦଙ୍କୁ ଏହି ଅଫର ପ୍ରଦାନ କରାଯାଇଥିବା ନେଇ ଫିଲ୍ମର ପ୍ରଯୋଜକ ଦିଲ୍ ରାଜୁ ସୂଚନା ଦେଇଛନ୍ତି । ଏହି ଫିଲ୍ମ ଜରିଆରେ ପ୍ରଯୋଜକ ଜରିଆରେ ବଲିଉଡ୍ ପଦାର୍ପଣ କରିବାକୁ ଯାଉଛନ୍ତି ଦିଲ୍ ରାଜୁ । ଜର୍ସି ଜଣେ ଅବସରପ୍ରାପ୍ତ ଖେଳାଳିର ଯାତ୍ରାକୁ ଦେଖାଇଛି । ଫିଲ୍ମରେ ନାନିଙ୍କ ବ୍ୟତିତ ଶ୍ରଦ୍ଧା ଶ୍ରୀନାଥ ନଜର ଆସିଥିଲେ ।
