ଭୁବନେଶ୍ଵର: ରାଷ୍ଟ୍ରାୟତ୍ତ ଦୂରସଞ୍ଚାର ସେବା ପ୍ରଦାନକାରୀ କମ୍ପାନୀ ବିଏସଏନଏଲ ଓଡିଶାର କୋଣ ଅନୁକୋଣରେ ଆତ୍ମନିର୍ଭର ଭାରତ ପ୍ରକଳ୍ପ ଅଧୀନରେ ସମ୍ପୂର୍ଣ୍ଣ ସ୍ଵଦେଶୀ ଜ୍ଞାନକୌଶଳରେ ନିର୍ମିତ ଫୋର୍-ଜି ସେବାକୁ ପହଞ୍ଚେଇବା ପାଇଁ 5800ଟି ଟାୱାର ସ୍ଥାପନ କରିଛି। ଏଥିମଧ୍ୟରୁ 5200ଟି ଟାୱାର ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇଛି । ବର୍ତ୍ତମାନ ସୁଦ୍ଧା 10,000 ବିଟିଏସ ଏହି ଟାୱାର ଜରିଆରେ କାର୍ଯ୍ୟରତ ଅଛି।
ଓଡିଶାର ସମସ୍ତ ମୋବାଇଲ ଉପଭୋକ୍ତାଙ୍କ ପାଇଁ ଏହି ସ୍ଵଦେଶୀ ଜ୍ଞାନ କୌଶଳରେ ନିର୍ମିତ ଫୋର୍-ଜି ସେବାର ଅନୁଭୂତି ନେବାକୁ ବିଏସଏନଏଲ ଆଣିଛି ଅପୂର୍ବ ସୁଯୋଗ। ଏହି ଯୋଜନାରେ ଯେକୌଣସି ମୋବାଇଲ ଉପଭୋକ୍ତା କେବଳ 1 ଟଙ୍କା ଦେଇ ବିଏସଏନଏଲ ଫୋର୍ ଜି ସିମ୍ ସହ 30 ଦିନ ପାଇଁ ଅସୀମିତ ଭଏସ୍ କଲ୍ କରିବା ସହ ଦୈନିକ 2ଜିବି ଡାଟା ଓ 100 ଏସଏମଏସ ସୁବିଧା ପାଇବେ।
ଅନ୍ୟ ନେଟୱର୍କର ଉପଭୋକ୍ତା କେବଳ 1ଟଙ୍କା ଦେଇ ଏମଏନପି ଜରିଆରେ ବିଏସଏନଏଲ ଯୋଗଦେଇ ଏହି ସୁବିଧା ପାଇ ପାରିବେ।
ଏହି ସିମ୍ ପାଇବା ପାଇଁ ନିଜ ପରିଚୟ ପତ୍ର ସହ ନିକଟସ୍ଥ ବିଏସଏନଏଲ ଗ୍ରାହକ ସେବା କେନ୍ଦ୍ର ଅଥବା ରିଟେଲର୍ ସହ ଯୋଗାଯୋଗ କରନ୍ତୁ। ଏହି ସୁବିଧା 01-08-2025 ରୁ 31-08-2025 ପର୍ଯ୍ୟନ୍ତ ଉପଲବ୍ଧ।
ବିଏସଏନଏଲ ଓଡିଶାର ମୁଖ୍ୟ ମହାପ୍ରବନ୍ଧକ ଶ୍ରୀଯୁକ୍ତ ଦୁଷ୍ମନ୍ତ କୁମାର ବେହେରା, ଏହି ସୁବିଧାକୁ ଅଧିକରୁ ଅଧିକ ଲୋକଙ୍କ ପାଖରେ ପହଞ୍ଚେଇବା ପାଇଁ ଅନୁରୋଧ କରିଛନ୍ତି।