ବ୍ରୁକ୍ଲିନ୍ର ଏକ ପାର୍କରେ ଗୁଳିକାଣ୍ଡ ଘଟିଛି । ଏହି ଗୁଳିକାଣ୍ଡରେ ଜଣଙ୍କର ମୃତ୍ୟୁ ଘଟିଥିବା ବେଳେ 11 ଜଣ ଆହତ ହୋଇଛନ୍ତି । ଶନିବାର ବିଳମ୍ବିତ ରାତିରେ ପାର୍କରେ ଏହି ଗୁଳିକାଣ୍ଡ ଘଟିଥିଲା । ଉତ୍ତର ବ୍ରୁକ୍ଲିନ୍ର ଏକ ପାର୍କରେ ଏହି ଗୁଳିକାଣ୍ଡ ରବିବାର ରାତି 3.30ରେ ସଙ୍ଗଠିତ ହୋଇଥିଲା । ଜଣେ 38 ବର୍ଷୀୟ ବ୍ୟକ୍ତି ଏହି ଗୁଳିକାଣ୍ଡରେ ପ୍ରାଣ ହରାଇଥିଲେ । ଅନ୍ୟ 11 ଜଣ ଆହତ ହୋଇଥିବା ବେଳେ 4 ଜଣଙ୍କ ଅବସ୍ଥା ଗୁରୁତର ରହିଛି । ବ୍ରୁକ୍ଲିନ୍ ମେୟର ବିଲ୍ ଡେ ବ୍ଲାସିଓ ଟ୍ବିଟ୍ କରି ଏହି ଘଟଣା ସମ୍ପର୍କରେ ଦୁଃଖ ପ୍ରକାଶ କରିଛନ୍ତି । ମୃତ ବ୍ୟକ୍ତିଙ୍କ ପରିଚୟ ମିଳିନାହିଁ । ଆହତ ମାନଙ୍କୁ ନ୍ୟୁୟର୍କ ସିଟି ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
Tags:
