ନାଇଜେରିଆରେ ଏକ ଆତଙ୍କବାଦୀ ଆକ୍ରମଣରେ 60 ଜଣଙ୍କର ମୃତ୍ୟୁ ଘଟିଛି । ଉତ୍ତର ପୂର୍ବ ନାଇଜେରିଆରେ ବୋକୋ ହାରାମ ଆତଙ୍କୀ ସଙ୍ଗଠନ ପକ୍ଷରୁ 60 ଜଣଙ୍କୁ ହତ୍ୟା କରାଯାଇଛି । ନାଗ୍ନାଞ୍ଜି ଗ୍ରାମର ଲୋକ ଏକ ଶବଦାହରୁ ଫେରୁଥିବା ସମୟରେ ଗ୍ରାମବାସୀଙ୍କ ଉପରେ ଆକ୍ରମଣ କରାଯାଇଥିଲା । ବୋକୋ ହାରାମ ଆତଙ୍କୀ ସଙ୍ଗଠନ ନିଜର ଦଶ ବର୍ଷ ପୂରଣ କରୁଥିବାରୁ ଏହି ବର୍ବର ଆକ୍ରମଣ କରାଯାଇଛି । ରବିବାର ମଧ୍ୟାହ୍ନରେ ଏହି ଆକ୍ରମଣ ହୋଇଥିବା ନେଇ ନାଇଜେରିଆନ୍ କାଉନ୍ସିଲ୍ ଚେୟାରମ୍ୟାନ୍ମହମ୍ମଦ ବୁଲାମା ପ୍ରକାଶ କରିଛନ୍ତି । ନାଇଜେରିଆ ସେନା ପକ୍ଷରୁ ଆକ୍ରମଣ ପରେ କଡା ସୁରକ୍ଷା ବ୍ୟବସ୍ଥା ଆପଣାଯାଇଥିବା ନେଇ ରାଷ୍ଟ୍ରପତି ମହମ୍ମଦ ବୁହାରୀ ପ୍ରକାଶ କରିଛନ୍ତି । ବିଗତ 10 ବର୍ଷ ମଧ୍ୟରେ ବୋକୋ ହାରାମ ଆକ୍ରମଣରେ 10 ହଜାରରୁ ଅଧିକ ନୀରିହ ବ୍ୟକ୍ତି ପ୍ରାଣ ହରାଇଛନ୍ତି ।
