ଆଜି କର୍ଣ୍ଣାଟକ ବିଧାନସଭାରେ ଆସ୍ଥା ଭୋଟର ସମ୍ମୁଖୀନ ହେବେ ବି ଏସ୍ ୟେଦ୍ୟୁରପ୍ପା । ଗତକାଲି 14 ବିଦ୍ରୋହୀ ବିଧାୟକଙ୍କୁ ବରଖାସ୍ତ କରାଯିବା ପରେ ସଂଖ୍ୟାଗଣିତରେ ଆଗୁଆ ରହିଛି ବିଜେପି । ସମୁଦାୟ ଅଯୋଗ୍ୟ ଘୋଷିତ ବିଦାୟକଙ୍କ ସଂଖ୍ୟା 17ରେ ପହଞ୍ଚିଛି । 17 ବିଧାୟକଙ୍କ ବିନା ବର୍ତ୍ତମାନ କର୍ଣ୍ଣାଟକ ବିଧାନସଭା ବିଧାୟକଙ୍କ ସଂଖ୍ୟା 208ରେ ପହଞ୍ଚିଛି । ଏହା ଫଳରେ ସଂଖ୍ୟ ଗରିଷ୍ଠତା ନିମନ୍ତେ ବିଜେପିକୁ 105 ବିଧାୟକ ଆବଶ୍ୟକ ଯାହାକି ବିଜେପି ନିକଟରେ ଉପଲବ୍ଧ ଅଛି । ଏହା ବ୍ୟତିତ ଜନୈକ ସ୍ବାଧୀନ ବିଧାୟକ ମଧ୍ୟ ବିଜେପିକୁ ନିଜ ସମର୍ଥନ ଦେଇଛନ୍ତି । ଯାହାଫଳରେ ଆସ୍ଥା ଭୋଟରେ ବିଜେପି ସହଜରେ ବିଜୟୀ ହେବାକୁ ଯାଉଛି । ସେହିପରି ଆଜି କଂଗ୍ରେସ ପକ୍ଷରୁ ଏହାର ବିଧାୟକ ଦଳ ବୈଠକ ବସିବାକୁ ଯାଉଛି । ବରିଷ୍ଠ ନେତା ଗୁଲାମ ନବୀ ଆଜାଦଙ୍କ ନେତୃତ୍ବରେ ଏହି ବୈଠକ ଅନୁଷ୍ଠିତ ହେବ । ସରକାର ଭାଙ୍ଗିବା ପରଠାରୁ ଉଭୟ ଜେଡିଏସ୍ ଏବଂ ବିଜେପି ଦୁଇ ଥର ଲେଖାଏଁ ବିଧାୟକ ଦଳ ବୈଠକ ଡାକିଥିବା ବେଳେ କଂଗ୍ରେସ ପକ୍ଷରୁ ଆଜି ପ୍ରଥମ ବୈଠକ ବସିବାକୁ ଯାଉଛି ।
