ଚଳିତ ସିଜିନରେ ବର୍ତ୍ତମାନ ସୁଦ୍ଧା ଟାଇଟଲ ହାସଲ କରିନଥିବା ଭାରତୀୟ ବ୍ୟାଡମିଣ୍ଟନ ତାରକା ପିଭି ସିନ୍ଧୁ ନିଜକୁ ଥାଇଲାଣ୍ଡ ଓପନରୁ ଓହରି ଯାଇଛନ୍ତି । ସିନ୍ଧୁ ନିଜ ଓହରିବାର କାରଣ ସମ୍ପର୍କରେ ସ୍ପଷ୍ଟ କରି ନାହାନ୍ତି । ଅପର ପକ୍ଷରେ ଆହତ ସମସ୍ୟାରୁ ପ୍ରତ୍ୟାବର୍ତ୍ତନ କରିଥିବା ସାଇନା ନେହ୍ବାଲ୍ ଥାଇଲାଣ୍ଡ ଓପନରେ ଅଂଶ ଗ୍ରହଣ କରିବେ ବୋଲି ଜଣାପଡିଛି । ପିଭି ସିନ୍ଧୁଙ୍କ ବ୍ୟତୀତ ଜାପାନର ନୋଜୋମୀ ଓକୁହାରା , ଅକାନେ ୟାମାଗୁଚୀ ଏବଂ ଚୀନର ତାଇ ଜୀ ୟିଂଗ ମଧ୍ୟ ଟୁର୍ଣ୍ଣାମେଣ୍ଟରୁ ଓହରି ଯାଇଛନ୍ତି । ଟୁର୍ଣ୍ଣାମେଣ୍ଟର ସପ୍ତମ ସିଡ୍ର ମାନ୍ୟତା ପାଇଥିବା ସାଇନା ଏହି ଟୁର୍ଣ୍ଣାମେଣ୍ଟରେ ସହଜରେ ବିଜୟ ହାସଲ କରିବା ନେଇ ଆାଶା କରାଯାଉଛି । ଆହତ ସମସ୍ୟା କାରଣରୁ ସାଇନା ଜାପାନ ଓପନ ଏବଂ ଇଣ୍ଡୋନେସିଆ ଓପନରୁ ଓହରିବାର ନିଷ୍ପତ୍ତି ନେଇଥିଲେ ।
Tags:
