ମହାରାଷ୍ଟ୍ରର ଶରଦ ପାଓ୍ବାରଙ୍କ ଏନ୍ସିପି ଓ କଂଗ୍ରେସର ଚାରିଜଣ ବିଧାୟକ ଇସ୍ତଫା ଦେଇଛନ୍ତି । ମିଳିଥିବା ସୂଚନା ଅନୁସାରେ ସେମାନେ ବହୁତ୍ ଶୀଘ୍ର ଅର୍ଥାତ୍ ବୁଧବାର ଦିନ ବିଜେପିରେ ସାମିଲ୍ ହେବେ । ଇସ୍ତଫା ଦେଇଥିବା ବିଧାୟକଙ୍କ ଭିତରେ ଏନ୍ସିପିର ତିନିଜଣ ରହିଥିବାବେଳେ ଜଣେ କଂଗ୍ରେସର ରହିଛନ୍ତି । ଚଳିତବର୍ଷ ମହାରାଷ୍ଟ୍ରରେ ବିଧାନସଭା ନିର୍ବାଚନ ହେବ । ନିର୍ବାଚନ ପାଖେଇ ଆସୁଥିବାବେଳେ ପ୍ରାୟତଃ ଦଳ ବଦଳ ଦେଖିବାକୁ ମିଳିଥାଏ । ଇସ୍ତଫା ଦେଇଥିବା ବିଧାୟକଙ୍କ ମଧ୍ୟରେ ରହିଛନ୍ତି କଂଗ୍ରେସ ବିଧାୟକ କାଳିଦାସ କୋଲମ୍ବକର୍ ଓ ଏନ୍ସିପିର ଶିବେନ୍ଦ୍ର ସିଂହ ଭୋସେଲ୍, ବୈଭବ୍ ପିଚାଡ୍ ଓ ସନ୍ଦୀପ୍ ନାଇକ୍ ପ୍ରମୁଖ । କାଳିଦାସ ମୁମ୍ବାଇର ସାତ ଥର ବିଧାୟକ ରହିଛନ୍ତି । ସେହିପରି ଶିବେନ୍ଦ୍ର ସିଂହ ଭୋସଲ୍ଲେ ୨୦୧୪ରେ ସିତାରା ବିଧାନସଭା ଆସନରୁ ଜିତିଥିଲେ ।
