ଦିଲ୍ଲୀର ଏକ କୋର୍ଟ ଏୟାରସେଲ- ମାକ୍ସିସ୍ ଦୁର୍ନୀତି ମାମଲାରେ ପି ଚିଦାମ୍ବରମ୍ ଏବଂ କର୍ତ୍ତୀ ଚିଦାମ୍ବରମଙ୍କୁ ଅଗଷ୍ଟ 9 ତାରିଖ ପର୍ଯ୍ୟନ୍ତ ଅନ୍ତରୀଣ ସୁରକ୍ଷା ପ୍ରଦାନ କରିଛନ୍ତି । ସିବିଆଇ ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଦାୟର କରାଯାଇଥିବା ମାମଲା ଉପରେ ବିଚାର କରି କୋର୍ଟ ଏହି ନିଷ୍ପତ୍ତି ନେଇଥିଲେ । ସ୍ବତନ୍ତ୍ର ଜଜ୍ ଓ ପି ସାଇନି ଚିଦାମ୍ବରମ୍ ଏବଂ କର୍ତ୍ତୀଙ୍କ ଆଗୁଆ ଜାମିନ ମାମଲାର ବିଚାର କରି ଏହି ନିଷ୍ପତ୍ତି ନେଇଛନ୍ତି । ଉଭୟ ତଦନ୍ତକାରୀ ସଂସ୍ଥା ରିପୋର୍ଟ ପ୍ରସ୍ତୁତ ନିମନ୍ତେ ସମୟ ଆବଶ୍ୟକ କରୁଥିବାରୁ ଏହି ଆବେଦନକୁ ମଞ୍ଜୁରୀ ପ୍ରଦାନ କରିଥିବା ଜଣାପଡିଛି । ଏୟାରସେଲ୍ ଏବଂ ମାକ୍ସିସ୍ରେ ବିଦେଶୀ ପୁଞ୍ଜିନିବେଶକୁ ନେଇ ଏହି ମାମଲା ରୁଜୁ କରାଯାଇଛି ।
