ନୂଆପଡା ଉପନିର୍ବାଚନ ଯେତିକି ପାଖଉଛି ସେତିକି ନୂଆ ନୂଆ କଥା ଦେଖିବାକୁ ମିଳୁଛି। ଯାହାକୁ ବିଜେଡି ପ୍ରାର୍ଥୀ କରିବ ବୋଲି ପାଗ ଭିଡି ବସିଥିଲା ତାଙ୍କୁ ହାଇଜାକ କରି ନେଲା ବିଜେପି। ଜୟ ଢୋଲକିଆ ବିଜେଡି ଛାଡି ବିଜେପିରେ ଯୋଗ ଦେଇଛନ୍ତି। ଫଳରେ ରାଜ୍ୟ ବିଜେପି ତାଙ୍କ ନାମକୁ ସଂସଦୀୟ କମିଟକୁ ସୁପାରିଶ କରିଛି। ଖୁବ ଶିଘ୍ର ତାଙ୍କ ନାମ ଘୋଷଣା କରାଯିବ।
ନିଜ ପ୍ରାର୍ଥୀ ବିଜେପିକୁ ଯିବା ପରେ ବର୍ତ୍ତମାନ ବାଉଳା ହେବାରେ ଲାଗିଛି ବିଜେଡି। ତାଙ୍କ ଦଳରୁ କିଏ ପ୍ରାର୍ଥୀ ହେବ ସେ ନେଇ ଚାଲିଛି ଅଙ୍କ କଷା। ତେବେ ଏ ପର୍ଯ୍ୟନ୍ତ ତାଙ୍କର କୌଣସି ଚୁଡାନ୍ତ ନିଷ୍ପତି ହୋଇପାରି ନାହିଁ। କାରଣ କଂଗ୍ରେସର ଟାଣୁଆ ପ୍ରାର୍ଥୀ ଘାସିରାମ ମାଝୀ, ପୁଣି ବିଜେପିର ଜୟ ଢୋଲକିଆଙ୍କୁ ଟକ୍କର ଦେବା ପରି ପ୍ରାର୍ଥୀ ଆବଶ୍ୟକ। ସେଥିପାଇଁ ନୂଆପଡାରେ ବିଜେଡିର ଏକ ବଡ ଟିମ ଡେରା ପକାଇ ବସିଛନ୍ତି। ହେଲେ ସେ ଦୁହିଁକୁ ଟକ୍କର ଦେବାପରି ପ୍ରାର୍ଥୀ ଏ ପର୍ଯ୍ୟନ୍ତ ବିଜେଡିକୁ ମିଳିପାରି ନାହିଁ।
ତେବେ ଏହା ଭିତରେ ଏକ ବଡ ଖବର ଆସିଛି। ତାହା ହେଲା ଯେ, ବିଜେଡି କୁଆଡେ କଂଗ୍ରେସ ଘୋଷଣା କରିଥିବା ପ୍ରାର୍ଥୀ ଘାସିରାମ ମାଝୀଙ୍କ ଉପରେ ନଜର ରଖିଛି। ତାଙ୍କୁ ଯେନତେନ ପ୍ରକାରେଣ ବିଜେଡିକୁ ଆଣି ପ୍ରାର୍ଥୀ କରିବା ପାଇଁ ଭିତିରଆ ଉଦ୍ୟମ ଚଳାଇଛି। ତାଙ୍କୁ ବିଭିନ୍ନ ଲୋଭ ଦେଖାଇ ଦଳରେ ସାମିଲ କରିବା ପାଇଁ ବିଜେଡିର ଦୁଇ ଜଣ ନେତା ତାଙ୍କ ପଛରେ ଲାଗି ରହିଛନ୍ତି। ତାଙ୍କୁ ହାଇଜାକ କରିବା ପାଇଁ ଯୋଜନା କରାଯାଇଛି।
ତେବେ ଯେତେ ଯାହା ଦରକାର ତାହା ଘାସିରାମଙ୍କ ଉପରେ ଢାଳିଦେବା ପାଇଁ ବିଜେଡି ପ୍ରସ୍ତୁତ ରହିଛି। ତାଙ୍କୁ ଜିତାଇବା ପାଇଁ ଦଳ ସବୁ ବଳ ଯୋଗାଇ ଦେବ ବୋଲି ପ୍ରତିଶ୍ରୁତି ଦିଆଯାଉଛି। ଏପରି ବଳ କଂଗ୍ରେସ ପାଖରେ ନାହିଁ ବୋଲି ତାଙ୍କୁ ଏହି ମଧ୍ୟସ୍ଥମାନେ କହିସାରିଛନ୍ତି। ଏପରିକି ଆଦିବାସୀମାନେ କଂଗ୍ରେସ ପ୍ରତି ବିମୁଖ ହୋଇଛନ୍ତି ତେଣୁ ସେହି ଦଳରୁ ଛିଡା ହେଲେ ଭୋଟ ଦୁଇଭାଗ ହୋଇଯିବ ବୋଲି ମଧ୍ୟ ତାଙ୍କୁ ରଂଗୀନ ନକ୍ସା ପ୍ରଦାନ କରାଯାଇଛି। ଯଦି କୌଣସି ପ୍ରକାରରେ ସେ ରାଜି ହୁଅନ୍ତି ତେବେ ତାଙ୍କୁ ସିଧା ନୂଆପଡାରୁ ଉଠାଇ ନବୀନ ନିବାସ ଆଣିବା ପାଇଁ ଦଳ ଏକ ଗାଡି ପ୍ରସ୍ତୁତ କରି ରଖିଛି।
ବର୍ତ୍ତମାନ ନୂଆପଡା ଉପନିର୍ବାଚନରେ ଯଦି ବିଜେଡି ଭଲ ପ୍ରାର୍ଥୀ ନ ଦିଏ ତେବେ ଏହି ଦଳ ହୁଏତ ତୃତୀୟ ସ୍ଥାନକୁ ଖସିଆସିବ। ଯାହା ଦଳ ପାଇଁ ଏକ ବଡ ଅପମାନ ସଦୃଶ୍ୟ ହେବ। ସେଥିପାଇଁ ବିଜେଡି ଆଦିବାସୀ କାର୍ଡ ଖେଳିବା ପାଇଁ ଜଣେ ଆଦିବାସୀ ପ୍ରାର୍ଥୀଙ୍କୁ ଖୋଜିବାରେ ଲାଗିଛି। ଯଦି ଏହା ସମ୍ଭବ ନ ହୁଏ ତେବେ ଦଳ ପ୍ଲାନ ବି ରେ ଜଣେ ଆଦିବାସୀ ମହିଳାଙ୍କୁ ପ୍ରାର୍ଥୀ କରିବ ବୋଲି ଯୋଜନା କରିସାରିଛି। ତେବେ ସେହି ମହିଳା କିଏ ସେ ତାହା ଏ ପର୍ଯ୍ୟନ୍ତ ଜଣାପଡି ନାହିଁ।
READ MORE- NITI Aayog today released a report on “India’s Blue Economy: Strategy for Harnessing Deep-Sea and Offshore Fisheries”. This report was formally launched by Prof. Ramesh Chand, Member (Agriculture), NITI Aayog, and Shri B.V.R. Subrahmanyam, CEO, NITI Aayog, in a special event attended by representatives from the fisheries sector, maritime states, and stakeholder organizations. ( CLICK HERE)
