ରାଷ୍ଟ୍ରୀୟ ସାହାସିକତା ପୁରସ୍କାର ପ୍ରାପ୍ତ କେନ୍ଦ୍ରାପଡା ବାଳକ ସିତୁ ମଲ୍ଲିକ ଏକ ଦୁର୍ଘଟଣାରେ ପ୍ରାଣ ହରାଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟରୁ ସାହାସିକତା ପୁରସ୍କାର ଗ୍ରହଣ କରିଥିବା ସିତୁ ନିଜ ଭାଇଙ୍କ ସହିତ ଯାଉଥିବା ବେଳେ ଏକ ଟ୍ରକ ସହିତ ଦୁର୍ଘଟଣାଗ୍ରସ୍ତ ହୋଇ ପ୍ରାଣ ହରାଇଥିଲେ । ଶୁକ୍ରବାର ସନ୍ଧ୍ୟା ସମୟରେ ଏହି ଦୁର୍ଘଟଣା ଘଟିଥିଲା । ଶନିବାର ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ ଶୁକ୍ରବାର ସନ୍ଧ୍ୟାରେ ରାଜନଗରର ଜରିମୂଳାରେ ଏହି ଦୁର୍ଘଟଣା ଘଟିଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୋକ ପ୍ରକାଶ କରିବା ସହିତ ମୃତକଙ୍କ ପରିବାରକୁ 2 ଲକ୍ଷ ଟଙ୍କାର ଆର୍ଥିକ ସହାୟତା ଘୋଷଣା କରିଛନ୍ତି । ଉଲ୍ଲେଖଯୋଗ୍ୟ ଯେ, ସିତୁ ଗତବର୍ଷ ଫେବୃୟାରୀରେ ଏକ କୁମ୍ଭୀର ମୁଖରୁ ନିଜ ଦାଦାଙ୍କୁ ଉଦ୍ଧାର କରିଥିଲେ ।
