ପାରାଦ୍ୱୀପ କୁଜଙ୍ଗ ଥାନା ଅଞ୍ଚଳରେ 5 ବର୍ଷର ଶିଶୁ କନ୍ୟାକୁ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଅଭିଯୁକ୍ତ ସୂର୍ଯ୍ୟ ନାରାୟଣ ଦଳେଇକୁ ପୋଲିସ ଅଟକ ରଖି ପଚରାଉଚରା କରୁଛି । ମିଳିଥିବା ପ୍ରାଥିମକ ସୂଚନା ମୁତାବକ, କୁଜଙ୍ଗ ଥାନା ଅଂଚଳରେ ଏକ ଶିଶୁ କନ୍ୟା ଗାଁ ଦାଣ୍ଡରେ ଖେଳୁଥିବାବେଳେ ପଡ଼ୋଶୀ ଯୁବକ ସୂର୍ଯ୍ୟ ନାରାୟଣ କୌଶଳ କ୍ରମେ ଡାକି ନେଇଥିଲା । ଏହା ପରେ ତାକୁ ପ୍ରଲୋଭନ ଦେଖାଇ ତା ସହିତ ଦୁଷ୍କର୍ମ କରିଥିବା ଅଭିଯୋଗ ଆସିଛି । ଶିଶୁର ପରିବାର ଲୋକ ଜାଣିବା ପରେ କୁଜଙ୍ଗ ଥାନାରେ ଏତଲା ଦେଇଛନ୍ତି । ପୋଲିସ ଅଭିଯୋଗକୁ ଆଧାର କରି ସଂପୃକ୍ତ ଯୁବକଙ୍କୁ ଅଟକ ରଖି ପଚରାଉଚରା କରୁଛି । ଏହା ସହିତ ଶିଶୁ କନ୍ୟାର ଡାକ୍ତରୀମାଇନା ପାଇଁ ବ୍ୟବସ୍ଥା କରାଯାଉଥିବା ସୂଚନା ମିଳିଛି ।
