ଭାରତୀୟ ମହାକାଶ ବିଜ୍ଞାନ କେନ୍ଦ୍ର ପକ୍ଷରୁ ଚନ୍ଦ୍ରଯାନ-2 ଦ୍ବାରା ଉତ୍ତୋଳନ କରାଯାଇଥିବା ପ୍ରଥମ ଫଟୋ ସେୟାର କରାଯାଇଛି । ଇସ୍ରୋର ଅଫିସିଆଲ୍ ଟ୍ବିଟ୍ଟର ହ୍ୟାଣ୍ଡେଲରୁ ଏହି ଫଟୋ ସେୟାର କରାଯାଇଛି । ଚନ୍ଦ୍ରଯାନ-2ର ଲ୍ୟାଣ୍ଡର ବିକ୍ରମ ପୃଥିବୀ ପୃଷ୍ଠର ପ୍ରଥମ ଫଟୋ ଉଠାଇ ସେୟାର କରିଛି । ଏଲ୍ ଆଇ-4 କ୍ୟାମେରାର ବ୍ୟବହାରରେ ଅଗଷ୍ଟ 3, 2019ରେ ରାତି 11ଟା ସମୟରେ ଏହି ଫଟୋ ଉଠଯାଇଥିଲା । ବିଭିନ୍ନ ଉଚ୍ଚତାରୁ ନିଆଯାଇଥିବା ଫଟୋ ମଧ୍ୟ ଇସ୍ରୋ ସେୟାର କରିଛି । ପୃଥିବୀ ପୃଷ୍ଠରୁ 2450 କିମି, 3200 କିମି, 4100 କିମି, 4700 କିମି ଏବଂ 5000 କିମି ଉଚ୍ଚତାରୁ ନିଆଯାଇଥିବା ବିଭିନ୍ନ ଫଟୋ ସେୟାର କରାଯାଇଛି । ଏହା ସହିତ ଚନ୍ଦ୍ରଯାନ -2ର ସମସ୍ତ ବ୍ୟବସ୍ଥା ସଠିକ୍ ଭାବରେ ପରିଚାଳିତ ହେଉଛି ବୋଲି ଇସ୍ରୋ ପକ୍ଷରୁ କୁହାଯାଇଛି ।
Tags:
