ଭୁବନେଶ୍ୱର: ଉତ୍ସର୍ଗୀକୃତ ଏବଂ ସତର୍କତାକୁ ସ୍ୱୀକୃତି ଦେଇ ଏକ ପ୍ରଶଂସନୀୟ ପଦକ୍ଷେପ ସ୍ୱରୂପ ପୂର୍ବତଟ ରେଳପଥ ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ଟ୍ରେନ ପରିଚାଳନାର ନିରାପତ୍ତା ଏବଂ ଦକ୍ଷତା ସୁନିଶ୍ଚିତ କରିବାରେ ଉଲ୍ଲେଖନୀୟ କାର୍ଯ୍ୟଦକ୍ଷତା ଏବଂ ସତର୍କତା ପାଇଁ ଆଠ ଜଣ ରେଳ କର୍ମଚାରୀଙ୍କୁ ସମ୍ମାନିତ କରିଛନ୍ତି।
କେନ୍ଦୁଆପଦାରେ କାର୍ଯ୍ୟରତ ଟ୍ରାକ ମେଣ୍ଟେନର-III ମିହିର କୁମାର ରାଉତ; ପାରାଦୀପରେ କାର୍ଯ୍ୟରତ ସିନିଅର ଗୁଡ଼ସ ଟ୍ରେନ ମ୍ୟାନେଜେର ଅନିଲ କୁମାର, ସମ୍ବଲପୁରରେ କାର୍ଯ୍ୟରତ ଟେକ୍ନିସିଆନ୍- III / TL & AC ସିଦ୍ଧାନ୍ତ ଆଚାର୍ଯ୍ୟ, କୁମହାର ସୋଡରାରେ ଟ୍ରାକ ମେଣ୍ଟେନର-ଇଇ ଭାବେ କାର୍ଯ୍ୟରତ ରାକେଶ କୁମାର, ଆଲମଣ୍ଡାରେ କାର୍ଯ୍ୟରତ ପଏଣ୍ଟସମ୍ୟାନ ‘ଏ’ ଭାବେ କାର୍ଯ୍ୟରତ ଏମ ରାମା ରାଓ, ଭେଜା ଷ୍ଟେସନରେ ଷ୍ଟେସନ୍ ମାଷ୍ଟର ଭାବେ କାର୍ଯ୍ୟରତ ଏ ଦେବରଞ୍ଜନ ସ୍ୱାଇଁ, ମୁନିଗୁଡାରେ ଟ୍ରାକ ମେଣ୍ଟେନର-ଇବ ଭାବେ କାର୍ଯ୍ୟରତ ସୁରେନ୍ଦ୍ର ପାଲ ଏବଂ ଦକ୍ଷିଣ କେନ୍ଦ୍ରୀୟ ରେଳପଥର ବିଜୟୱାଡା ମଣ୍ଡଳ ଅଧୀନରେ ସିନିଅର ଗୁଡ଼ସ ଟ୍ରେନ ମ୍ୟାନେଜେର ଭାବେ କାର୍ଯ୍ୟରତ ପାଦେଲା ବୀରା ଭେଙ୍କଟ ରମଣ ସେମାନଙ୍କର ନିୟମିତ କର୍ତ୍ତବ୍ୟ ସମ୍ପାଦନ ସମୟରେ ଅସାଧାରଣ ସତର୍କତା ପ୍ରଦର୍ଶନ କରିଛନ୍ତି ଏବଂ ଉପସ୍ଥିତି ବୁଦ୍ଧିର ପ୍ରଦର୍ଶନ କରି ଦ୍ରୁତ ଏବଂ ପ୍ରଭାବଶାଳୀ ପଦକ୍ଷେପ ନେଇଛନ୍ତି ଯାହା ଟ୍ରେନଗୁଡ଼ିକର ନିରାପଦ ଏବଂ ସୁଗମ ପରିଚାଳନା ସୁନିଶ୍ଚିତ କରିବାରେ ସହାୟକ ହେଇଛି।
ଉକ୍ତ କର୍ମଚାରୀ ମାନଙ୍କୁ ସମ୍ବର୍ଦ୍ଧିତ କରିବା ସମୟରେ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ କର୍ମଚାରୀ ମାନଙ୍କର ପ୍ରତିବଦ୍ଧତା ଏବଂ କଠିନ ପରିଶ୍ରମକୁ ପ୍ରଶଂସା କରିଥିଲେ। ବିଶେଷକରି ରେଳ କର୍ମଚାରୀମାନେ ପ୍ରାୟତଃ କଷ୍ଟକର ପରିସ୍ଥିତିରେ କାମ କରନ୍ତି। ରେଳ ସେବାର ନିରାପତ୍ତା ଏବଂ ବିଶ୍ୱସନୀୟତା ବଜାୟ ରଖିବାରେ ଟ୍ରାକ୍, ସିଗନାଲ ଏବଂ OHE ମେଣ୍ଟେନର୍ସ, ଲୋକୋ ପାଇଲଟ୍, ଟେକ୍ନିସିଆନ୍ ଏବଂ ଷ୍ଟେସନ ମାଷ୍ଟର ମାନଙ୍କ ସହ ସମସ୍ତ ଆଗଧାଡ଼ିର କର୍ମଚାରୀମାନଙ୍କ ଗୁରୁତ୍ୱପୂର୍ଣ୍ଣ ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ।
ପୂର୍ବତଟ ରେଳପଥ ସୁରକ୍ଷା ଏବଂ କାର୍ଯ୍ୟ ଦକ୍ଷତାର ଉତ୍କର୍ଷତା ଏବଂ ଜନସାଧାରଣଙ୍କ ସେବାରେ ରେଳ କର୍ମଚାରୀଙ୍କ ଉତ୍ସାର୍ଗିକୃତ ପ୍ରୟାସକୁ ପ୍ରୋତ୍ସାହିତ କରିବା ପାଇଁ ପ୍ରତିବଦ୍ଧ।