ଇଂଲଣ୍ଡ 19 ବର୍ଷରୁ କମ୍ କ୍ରିକେଟ୍ ଦଳକୁ 1 ଓ୍ବିକେଟ୍ରେ ପରାସ୍ତ କରିଛି ଭାରତୀୟ ଦଳ । ଚେଲ୍ମସଫୋର୍ଡରେ ଅନୁଷ୍ଠିତ ମ୍ୟାଚ୍ରେ ଭାରତ ଟସ୍ ଜିତି ପ୍ରଥମେ ବୋଲିଂର ନିଷ୍ପତ୍ତି ନେଇଥିଲା । ଭାରତ ପକ୍ଷରୁ ପୂର୍ଣ୍ଣାଙ୍କ ତ୍ୟାଗୀ 33 ରନ୍ ବିନିମୟରେ 5ଟି ଓ୍ବିକେଟ୍ ଅକ୍ତିଆର କରିଥିଲେ । ଫଳରେ ଇଂଲଣ୍ଡ 204 ରନ୍ରେ ସମସ୍ତ ଓ୍ବିକେଟ୍ ହରାଇଥିଲା । ଜର୍ଜ ହିଲ୍ 62 ବଲ୍ରୁ ସର୍ବାଧିକ 46 ରନ୍ ସଂଗ୍ରହ କରିଥିଲେ । ଜବାବରେ ଓପ୍ନର ତଥା ଅଧିନାୟକ ଯଶଶ୍ବୀ ଜୟସ୍ବାଲଙ୍କ 82 ବଲ୍ 78 ରନ୍ ବିନିମୟରେ ଭାରତ 36.3 ଓଭରରେ 9 ଓ୍ବିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରି ନେଇଥିଲା ।
