କାଇରୋରେ ଏକ କାର୍ ବୋମା ବିସ୍ଫୋରଣରେ 19 ଜଣଙ୍କ ପ୍ରାଣହାନି ଘଟିଛି । ଇଜିପ୍ଟର ରାଜଧାନୀ କାଇରୋର ନ୍ୟାସନାଲ କ୍ୟାନ୍ସର ଇନଷ୍ଟିଚ୍ୟୁଟ୍ ନିକଟରେ ଏହି କାର ବୋମା ବିସ୍ଫୋରଣ ସଙ୍ଗଠିତ ହୋଇଥିଲା । କାର୍ ବୋମା ବିସ୍ଫୋରଣରେ ଅନ୍ୟୁନ 19 ଜଣଙ୍କ ପ୍ରାଣହାନି ଘଟିଥିବା ନେଇ ଇଜିପ୍ଟ ସ୍ବାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୋମବାର ସୂଚନା ପ୍ରଦାନ କରାଯାଇଛି । କ୍ୟାନ୍ସର ଇନଷ୍ଟିଚ୍ୟୁଟ୍ ନିକଟରେ ଦ୍ରୁତ ଗତିରେ ଆସୁଥିବା ଏକ କାର୍ ଅନ୍ୟ କାର୍କୁ ଧକ୍କା ଦେବା ଫଳରେ ବିସ୍ଫୋରଣ ହୋଇଥିଲା । ଏହି ବିସ୍ଫୋରଣ ପ୍ରଭାବରେ ଅନ୍ୟ କାର୍ ଗୁଡିକ ମଧ୍ୟ ଉଡି ଯାଇଥିଲା । ବିସ୍ଫୋରଣ ପରେ ଆହତ ମାନଙ୍କୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
