କେନ୍ଦ୍ର ସରକାରଙ୍କ ଜମ୍ମୁ କାଶ୍ମୀରକୁ ସ୍ୱତନ୍ତ୍ର ରାଜ୍ୟର ମାନ୍ୟତା ପ୍ରଦାନ କରୁଥିବା ସମ୍ବିଧାନ ଧାରା ୩୭୦ ଉଚ୍ଛେଦ ପ୍ରସ୍ତାବକୁ ସୋମବାର ରାଷ୍ଟ୍ରୀୟ ସ୍ୱୟଂ ସେବକ ସଂଘ (ଆରଏସଏସ) ଏବଂ ଶିବସେନା ସ୍ୱାଗତ କରିଛନ୍ତି। ଆରଏସଏସ ମୁଖ୍ୟ ମୋହନ ଭାଗବତ ଧାରା ୩୭୦ ଏବଂ ୩୫-କ ଉଚ୍ଛେଦ ଓ ରାଜ୍ୟକୁ ଦୁଇ ଭାଗରେ ବାଣ୍ଟିବାର ନିଷ୍ପତ୍ତିକୁ ମୋଦିଙ୍କ ସାହାସିକ ପଦକ୍ଷେପ ବୋଲି କହିଛନ୍ତି। ଏହା ଦେଶ ଏବଂ ଜାମ୍ମୁ କାଶ୍ମୀର ହିତ ପାଇଁ ଆବଶ୍ୟକ ଥିଲା। ବ୍ୟକ୍ତିଗତ ଫାଇଦା ଏବଂ ରାଜନୈତିକ ମତଭେଦରୁ ଉପରକୁ ଉଠି ସମସ୍ତକୁ ଏହି ପଦକ୍ଷେପର ସ୍ୱାଗତ ଏବଂ ସମର୍ଥନ କରିବା ଉଚିତ। ସେହିପରି ଶିବସେନା ଅଧ୍ୟକ୍ଷ ଉଦ୍ଧବ ଠାକରେ ସରକାରଙ୍କ ଏହି ନିଷ୍ପତ୍ତିକୁ ଐତିହାସିକ ବୋଲି କହିଛନ୍ତି। ସେ କହିଛନ୍ତି ଯେ ଏନଡିଏ ସରକାରଙ୍କ ନିଷ୍ପତ୍ତିରୁ ବାଲାସାହାବ ଠାକେରଙ୍କ ସ୍ୱପ୍ନ ପୂରଣ ହୋଇଛି।
Tags:
