ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷ ଏକଦିବସୀୟ ସିରିଜରେ କେଏଲ ରାହୁଲ ଭାରତୀୟ ଦଳର ଅଧିନାୟକ ହେବେ। ବିସିସିଆଇ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ ପାଇଁ ୧୫ ଜଣିଆ ଭାରତୀୟ ଦଳ ଘୋଷଣା କରିଛି। ଶୁଭମନ ଗିଲ ତାଙ୍କ ବେକ ଆଘାତରୁ ସୁସ୍ଥ ହୋଇନାହାଁନ୍ତି ଏବଂ ତେଣୁ ସେ ଦଳରେ ନାହାନ୍ତି। ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ଖେଳିପାରି ନଥିବା ରବିନ୍ଦ୍ର ଜାଡେଜା ୫୦ ଓଭର ଫର୍ମାଟକୁ ଫେରିଛନ୍ତି।
ଦଳରେ ସାମିଲ ହେଲେ ରିଷଭ ପନ୍ତ
ପୂର୍ବରୁ ଅନେକ ଗଣମାଧ୍ୟମ ରିପୋର୍ଟରେ ଦାବି କରାଯାଇଥିଲା ଯେ, ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜରେ ରିଷଭ ପନ୍ତ ଟିମ୍ ଇଣ୍ଡିଆର ଅଧିନାୟକ ହେବେ। କିନ୍ତୁ ସମସ୍ତ ରିପୋର୍ଟ ମିଥ୍ୟା ସାବ୍ୟସ୍ତ ହୋଇଛି। ଚୟନ କମିଟି ଏହି ତିନି ମ୍ୟାଚ୍ ବିଶିଷ୍ଟ ସିରିଜ ପାଇଁ କେଏଲ ରାହୁଲଙ୍କୁ ଟିମ୍ ଇଣ୍ଡିଆର ଅଧିନାୟକ ନିଯୁକ୍ତ କରିଛି। ତଥାପି, ରିଷଭ ପନ୍ତ ମଧ୍ୟ ୧୫ ସଦସ୍ୟ ବିଶିଷ୍ଟ ଭାରତୀୟ ଦଳରେ ସାମିଲ ଅଛନ୍ତି।
ସିରାଜ ଏବଂ ବୁମରାଙ୍କୁ ଦଳରୁ ବାଦ:
ଦକ୍ଷିଣ ଆଫ୍ରିକା ଦିନିକିଆ ସିରିଜ ପାଇଁ ଷ୍ଟାର ଦ୍ରୁତ ବୋଲର ମହମ୍ମଦ ସିରାଜ ଏବଂ ଜସପ୍ରିତ ବୁମରାଙ୍କୁ ବିଶ୍ରାମ ଦିଆଯାଇଛି। ୧୫ ଜଣିଆ ଦଳରେ ଅଧିନାୟକ କେ.ଏଲ୍ ରାହୁଲ, ଋଷଭ ପନ୍ତ ଏବଂ ଧ୍ରୁଭ ଜୁରେଲ, ତିନି ୱିକେଟ୍ କିପର-ବ୍ୟାଟ୍ସମ୍ୟାନ୍ ଅଛନ୍ତି। ରବିନ୍ଦ୍ର ଜାଡେଜା, ୱାଶିଂଟନ୍ ସୁନ୍ଦର, ଏବଂ କୁଲଦୀପ ଯାଦବ ଏହି ତିନୋଟି ସ୍ପିନ୍ ବିକଳ୍ପ। ବରୁଣ ଚକ୍ରବର୍ତ୍ତୀଙ୍କୁ ବାଦ ଦିଆଯାଇଛି। ନୀତୀଶ କୁମାର ରେଡ୍ଡୀଙ୍କ ସହ ପ୍ରସିଦ୍ଦ କୃଷ୍ଣ, ହର୍ଷିତ ରାଣା ଏବଂ ଅର୍ଶଦୀପ ସିଂ ଏହି ତିନୋଟି ଦ୍ରୁତ ବୋଲିଂ ବିକଳ୍ପ ଅଟନ୍ତି।
ଦକ୍ଷିଣ ଆଫ୍ରିକା ବିପକ୍ଷ ODI ସିରିଜ୍ ପାଇଁ ୧୫ ସଦସ୍ୟ ବିଶିଷ୍ଟ ଭାରତୀୟ ଦଳ: ରୋହିତ ଶର୍ମା, ବିରାଟ କୋହଲି, ଯଶସ୍ୱୀ ଜୟସ୍ଵାଲ, ତିଲକ ବର୍ମା, କେ.ଏଲ୍ ରାହୁଲ, ଋଷଭ ପନ୍ତ, ୱାଶିଂଟନ୍ ସୁନ୍ଦର, ରବିନ୍ଦ୍ର ଜାଡେଜା, କୁଲଦୀପ ଯାଦବ, ନୀତୀଶ କୁମାର ରେଡ୍ଡୀ, ରୁତୁରାଜ ଗାଇକ୍ଵାଡ, ହର୍ଷିତ ରାଣା, ଧ୍ରୁବ ଜୁରେଲ, ପ୍ରସିଦ୍ଧ କୃଷ୍ଣ ଏବଂ ଅର୍ଶଦୀପ ସିଂ।
ଭାରତ-ଦକ୍ଷିଣ ଆଫ୍ରିକା ODI ସିରିଜ୍ କାର୍ଯ୍ୟସୂଚୀ:
ପ୍ରଥମ ODI – ନଭେମ୍ବର ୩୦ ତାରିଖ- ରାଞ୍ଚି
ଦ୍ୱିତୀୟ ODI – ଡିସେମ୍ବର ୩ ତାରିଖ- ରାୟପୁର
ତୃତୀୟ ODI – ଡିସେମ୍ବର ୬ ତାରିଖ- ବିଶାଖାପାଟନମ୍।