ନୂଆଦିଲ୍ଲୀ: ଭାରତର ଅହମ୍ମଦାବାଦକୁ ୨୦୩୦ ରାଜ୍ୟଗୋଷ୍ଠୀ କ୍ରୀଡ଼ା ପ୍ରଦାନ କରାଯାଇଛି। ଗ୍ଲାସଗୋରେ ୭୪ଟି ରାଜ୍ୟଗୋଷ୍ଠୀ ସଦସ୍ୟ ରାଷ୍ଟ୍ରର ଏକ ବୈଠକରେ ଆୟୋଜକର ନାମ ନିଶ୍ଚିତ କରାଯାଇଛି। ଭାରତ ୨୦୩୦ ରାଜ୍ୟଗୋଷ୍ଠୀ କ୍ରୀଡ଼ା ପାଇଁ ଏକ ଆକର୍ଷଣୀୟ ଦୃଷ୍ଟିକୋଣ ଉପସ୍ଥାପନ କରିଥିଲା, ଯାହା ପାଇଁ ଅହମ୍ମଦାବାଦକୁ ମନୋନୀତ କରାଯାଇଥିଲା। ଏହା ସହିତ, ଅହମ୍ମଦାବାଦ ଏହାର ୧୦୦ତମ ରାଜ୍ୟଗୋଷ୍ଠୀ କ୍ରୀଡ଼ା ପାଳନ କରିବାକୁ ପ୍ରସ୍ତୁତ।
କମନୱେଲଥ ସ୍ପୋର୍ଟ ଦ୍ୱାରା ଜାରି ଏକ ସରକାରୀ ବିବୃତ୍ତିରେ କୁହାଯାଇଛି ଯେ, ଅହମ୍ମଦାବାଦକୁ ୨୦୩୦ କ୍ରୀଡ଼ା ପ୍ରଦାନ କରାଯିବା ମାତ୍ରେ, ୨୦ ଜଣ ଗରବା ନୃତ୍ୟଶିଳ୍ପୀ ଏବଂ ୩୦ ଜଣ ଡ୍ରମବାଦକ ଆସେମ୍ବ୍ଲି ହଲରେ ପ୍ରବେଶ କରି ନାଚିବା ଏବଂ ଗୀତ ଗାଇବା ଆରମ୍ଭ କରିଥିଲେ। ଏହି ସାଂସ୍କୃତିକ ପ୍ରଦର୍ଶନ ଉପସ୍ଥିତ ଅନ୍ୟ ଦେଶର ପ୍ରତିନିଧିମାନଙ୍କୁ ଆଶ୍ଚର୍ଯ୍ୟ କରିଦେଇଥିଲା।
ଭାରତ ଶେଷ ଥର ପାଇଁ ୨୦୧୦ରେ ରାଜ୍ୟଗୋଷ୍ଠୀ କ୍ରୀଡ଼ା ଆୟୋଜନ କରିଥିଲା। ସେହି ସଂସ୍କରଣରେ ଭାରତୀୟ ଖେଳାଳିମାନେ ୧୦୧ ପଦକ ଜିତି ଏକ ଐତିହାସିକ ସଫଳତା ହାସଲ କରିଥିଲେ। ରାଜ୍ୟଗୋଷ୍ଠୀ କ୍ରୀଡ଼ା ପ୍ରଥମେ ୧୯୩୦ରେ କାନାଡା ଦ୍ୱାରା ଆୟୋଜିତ ହୋଇଥିଲା। ଭାରତ, ଅହମ୍ମଦାବାଦ, ଏବେ ୧୦୦ତମ ରାଜ୍ୟଗୋଷ୍ଠୀ କ୍ରୀଡ଼ା ଆୟୋଜନ କରିବାକୁ ପ୍ରସ୍ତୁତ।
ଭାରତୀୟ ରାଜ୍ୟଗୋଷ୍ଠୀ କ୍ରୀଡ଼ା ସଂଘର ଅଧ୍ୟକ୍ଷା ପି.ଟି. ଉଷା ଏହି ଐତିହାସିକ ମୁହୂର୍ତ୍ତରେ ଆନନ୍ଦ ପ୍ରକାଶ କରି କହିଛନ୍ତି ଯେ, “କନୱେଲଥ କ୍ରୀଡା ଦ୍ୱାରା ଦେଖାଯାଇଥିବା ବିଶ୍ୱାସ ପାଇଁ ଆମେ ଗଭୀର ଭାବରେ ସମ୍ମାନିତ। 2030 କ୍ରୀଡା କେବଳ ରାଜ୍ୟଗୋଷ୍ଠୀ ଆନ୍ଦୋଳନର 100 ବର୍ଷ ପାଳନ କରିବ ନାହିଁ ବରଂ ପରବର୍ତ୍ତୀ ଶତାବ୍ଦୀର ମୂଳଦୁଆ ମଧ୍ୟ ସ୍ଥାପନ କରିବ। ସେମାନେ ବନ୍ଧୁତା ଏବଂ ପ୍ରଗତି ଭାବନାରେ ଖେଳାଳି, ସମ୍ପ୍ରଦାୟ ଏବଂ ସଂସ୍କୃତିକୁ ଏକାଠି କରିବେ।”
ଭାରତ ପ୍ରଥମ ଥର ପାଇଁ ୧୯୩୪ ମସିହାରେ ରାଜ୍ୟଗୋଷ୍ଠୀ କ୍ରୀଡ଼ାରେ ଅଂଶଗ୍ରହଣ କରିଥିଲା। ଭାରତୀୟ ଖେଳାଳିମାନେ ଏହି କ୍ରୀଡ଼ାରେ ଏପର୍ଯ୍ୟନ୍ତ ମୋଟ ୫୬୪ ପଦକ ଜିତି ହହାନ୍ତି। ଏଥିରେ ୨୦୨ ସ୍ୱର୍ଣ୍ଣ, ୧୯୦ ରୌପ୍ୟ ଏବଂ ୧୭୧ କାଂସ୍ୟ ପଦକ ଅନ୍ତର୍ଭୁକ୍ତ। ଭାରତର ସର୍ବୋତ୍ତମ ପ୍ରଦର୍ଶନ ୨୦୧୦ ମସିହାରେ ଆସିଥିଲା, ଯେତେବେଳେ ଏହା କ୍ରୀଡ଼ା ଆୟୋଜନ କରିଥିଲା, ମୋଟ ୧୦୧ ପଦକ ଜିତିଥିଲା। ୨୦୨୨ ରାଜ୍ୟଗୋଷ୍ଠୀ କ୍ରୀଡ଼ା ଇଂଲଣ୍ଡର ବର୍ମିଂହାମରେ ଆୟୋଜନ କରାଯାଇଥିଲା ଏବଂ ଭାରତ ୬୧ ପଦକ ଜିତିଥିଲା। ୨୦୨୬ ରାଜ୍ୟଗୋଷ୍ଠୀ କ୍ରୀଡ଼ା ସ୍କଟଲ୍ୟାଣ୍ଡର ଗ୍ଲାସଗୋରେ ଅନୁଷ୍ଠିତ ହେବ।