ଭୁବନେଶ୍ଵର: ଆଇକନିକ୍ ସ୍ପୋର୍ଟ୍ସ ଫେଡେରେସନ୍ (ISF), ଇଣ୍ଡିଆନ୍ ଗେଟବଲ୍ ୟୁନିଅନ୍ (IGU) ମିଳିତ ଭାବରେ ଆସନ୍ତା ୩୦ ତାରିଖରୁ ୧ ଡିସେମ୍ବର ୨୦୨୫ ପର୍ଯ୍ୟନ୍ତ ଭୁବନେଶ୍ୱରର ବିଶ୍ୱସ୍ତରୀୟ କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ଆଇକନିକ୍ ଇଣ୍ଡିଆନ୍ ଇଣ୍ଟରନ୍ୟାସନାଲ୍ ଓପନ୍ ଗେଟବଲ୍ ଟୁର୍ଣ୍ଣାମେଣ୍ଟ (IIIOGT) ୨୦୨୫ ଘୋଷଣା କରିଛି।
ଏହି ପ୍ରତିଷ୍ଠିତ ଅନ୍ତର୍ଜାତୀୟ ଟୁର୍ନାମେଣ୍ଟରେ ଜାପାନ, ଥାଇଲ୍ୟାଣ୍ଡ, ଇଣ୍ଡୋନେସିଆ ଏବଂ ତାଇୱାନ ପରି ଚାରୋଟି ବିଶ୍ୱସ୍ତରୀୟ ଦଳ ସହିତ ଭାରତର ୧୮ ଟି ରାଜ୍ୟ ଦଳ ଅଂଶଗ୍ରହଣ କରିବେ, ଯେଉଁଥିରେ ୪୦୦ ରୁ ଅଧିକ ଖେଳାଳି, ଅଧିକାରୀ ଏବଂ ବିଶିଷ୍ଟ ବ୍ୟକ୍ତିମାନେ ଏକତ୍ରିତ ହେବେ। ଖେଳାଳିମାନେ କ୍ଲାସିକ୍ ଏବଂ ଡବଲ୍ସ ଉଭୟ ବର୍ଗରେ ପ୍ରତିଯୋଗିତା କରିବେ। ଆଇଏସଏଫ, କେଉଁଝରର ନାଇବୁଗା ଲୁହା ଏବଂ ମାଙ୍ଗାନିଜ୍ ଖଣିର ଅଧ୍ୟକ୍ଷ-ଏବଂ -ପରିଚାଳନା ନିର୍ଦ୍ଦେଶକ ତାରିଣୀ ପ୍ରସାଦ ମହାନ୍ତିଙ୍କୁ ଆୟୋଜନ କମିଟିର ଅଧ୍ୟକ୍ଷ ଭାବରେ ନିଯୁକ୍ତ କରିଛି ଏବଂ ଉମାକାନ୍ତ ଜେନା ଙ୍କୁ କାର୍ଯ୍ୟକାରୀ ସେକ୍ରେଟାରୀ ଭାବେ ନିଯୁକ୍ତି କରାଯାଇଛି। ଏହି ସମ୍ମାନଜନକ ଭୂମିକା ଓଡ଼ିଶାରେ କ୍ରୀଡା ବିକାଶରେ ତାଙ୍କର ଉଲ୍ଲେଖନୀୟ ଅବଦାନକୁ ସମ୍ମାନ ଦେଇଛି।
ଏହି କାର୍ଯ୍ୟକ୍ରମରେ ଉପସ୍ଥିତ ମାନ୍ୟଗଣ୍ୟ ବ୍ୟକ୍ତି ମାନଙ୍କ ମଧ୍ୟରେ ଥିଲେ ତାରିଣୀ ପ୍ରସାଦ ମହାନ୍ତି – ଚେୟାରମ୍ୟାନ୍, ଆଇକନିକ୍ ଇଣ୍ଡିଆ ଆନ୍ତର୍ଜାତୀୟ ଓପନ୍ ଗେଟବଲ୍ ଟୁର୍ଣ୍ଣାମେଣ୍ଟ, ଡକ୍ଟର ଚିଦାତ୍ମିକା ଖଟୁଆ, ନିର୍ଦ୍ଦେଶକ, ଆଇଏସଏଫ, ଦିପାୟନ ପଟ୍ଟନାୟକ ନିର୍ଦ୍ଦେଶକ, ଏସିଆ ପାସିଫିକ୍ ଗେଟବଲ୍ ୟୁନିଅନ୍ ଡକ୍ଟର ଉମାକାନ୍ତ ପାଣି, ସଭାପତି, ଆଇଜିୟୁ, ଡକ୍ଟର ସଞ୍ଜୟ ଚୌଧୁରୀ ନିର୍ଦ୍ଦେଶକ, ଆଇଏସ୍ଏଫ୍ ଡକ୍ଟର ଶେଖ ଅବଦୁଲ ସମିମ୍, ନିର୍ଦ୍ଦେଶକ, ଆଇଏସ୍ଏଫ୍, ସଞ୍ଜୟ ଦାସ ରାଜ୍ୟ ସମ୍ପାଦକ, ଆଇଏସ୍ଏଫ୍।
ଏଥିରେ ରାଜ୍ୟ ସରକାର ଙ୍କ ପୂର୍ଣ୍ଣ ସହଯୋଗ ସହିତ ବହୁ ପ୍ରତିଷ୍ଠିତ ଅନୁଷ୍ଠାନ ସହଯୋଗିତା ଅଛନ୍ତି. ଏହି ଖେଳ ଉପଭୋଗ କରିବା ପାଇଁ ସମସ୍ତଙ୍କୁ ନିମନ୍ତ୍ରୀତ କରାଯାଇଛି. ଏହି ଖେଳ ଏକ ଷ୍ଟ୍ରାତେଜିକ ସହ ଟିମ ଖେଳ ଅଟେ। ଏଥିରେ ମସ୍ତିଷ୍କର ଉନ୍ନତି ରେ ସାହାଯ୍ୟ କରେ। ଆଇକୋନିକ ସ୍ପୋର୍ଟ୍ସ ଫେଡେରେଁସନ ସାରା ଭାରତରେ ଏହି ଖେଳ ର ପ୍ରସାର ଏବଂ ପ୍ରଚାରର ଦାୟୀତ୍ୱ ବହନ କରେ। ଏହା କିପରି ଓଡ଼ିଆ ରେ ବିଭିନ୍ନ ଜାଗାରେ ଖେଳା ଯିବ ଏହି ବିଷୟରେ ଆଇଏସଏଫ ର ନେର୍ଦେଶକ ଡ ସଞ୍ଜୟ ଚୌଧୁରୀ କହିଛନ୍ତି।
ମାନସ ରଂଜନ ମହାନ୍ତି ପ୍ରଦୀପ ପ୍ରଜ୍ୱଳନ ସମାରୋହ ସଞ୍ଚାଳନ କରିଥିବା ବେଳେ ଶରତ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ। ଆଇକନିକ୍ ଇଣ୍ଡିଆନ୍ ଇଣ୍ଟରନ୍ୟାସନାଲ୍ ଓପନ୍ ଗେଟବଲ୍ ଟୁର୍ଣ୍ଣାମେଣ୍ଟରେ ଭାରତର ଉପସ୍ଥିତିକୁ ସୁଦୃଢ କରିବା ସହ ଏହି ଆୟୋଜନ ଓଡ଼ିଶା ପାଇଁ ଗୁରୁତ୍ୱପୂର୍ଣ୍ଣ ହେବ ବୋଲି ଫେଡେରେସନ୍ କହିଛି।
