ବିଜୟ କୁମାର ଶର୍ମା ହେବେ ଭାରପ୍ରାପ୍ତ ପୋଲିସ୍ ମହାନିର୍ଦ୍ଦେଶକ । ଅଗ୍ନିଶମ ବିଭାଗ ଡିଜି ରହିଛନ୍ତି ବିଜୟ କୁମାର । ଡିଜିପି ରାଜେନ୍ଦ୍ର ପ୍ରସାଦ ଶର୍ମାଙ୍କ ନୂଆ ନିଯୁକ୍ତି ହେତୁ ବିଜୟଙ୍କୁ ଏହି ଦାୟିତ୍ବ ମିଳିଛି । ବିଜୟ କୁମାର ଶର୍ମା ୧୯୮୬ ବ୍ୟାଚ୍ର ବରିଷ୍ଠ ଆଇପିଏସ୍ ଅଫିସର୍ । ଲୋକାୟୁକ୍ତ ସଦସ୍ୟ ଭାବେ ମନୋନୀତ ହୋଇଛନ୍ତି ରାଜେନ୍ଦ୍ର ଶର୍ମା । ଲୋକାୟୁକ୍ତ ସଦସ୍ୟ ଭାବେ କାର୍ଯ୍ୟରେ ଯୋଗଦେବା ପାଇଁ ଆର୍.ପି. ଶର୍ମା, ତାଙ୍କ ସ୍ବେଚ୍ଛାକୃତ ଅବସର ଆବେଦନ କରିଥିଲେ । ରାଜ୍ୟ ସରକାର ଡିଜିପି ପଦବୀ ଚୟନ ପାଇଁ ୟୁପିଏସସିକୁ ଯେଉଁ ୬ଜଣ ବରିଷ୍ଠ ଆଇପିଏସଙ୍କ ନାଁ ପଠାଇଥିଲେ ସେମାନେ ହେଲେ ୧୯୮୬ ବ୍ୟାଚ୍ ଆଇପିଏସ୍ ବିଜୟ କୁମାର ଶର୍ମା, ୧୯୮୭ ବ୍ୟାଚ୍ ଆଇପିଏସ୍ ସୁନୀଲ ରୟ, ୧୯୮୮ ବ୍ୟାଚ୍ ଆଇପିଏସ୍ ସତ୍ୟଜିତ୍ ମହାନ୍ତି, ମନୋଜ ଛାବ୍ରା, ସନ୍ତୋଷ କୁମାର ଉପାଧ୍ୟାୟ ଓ ବିନୟାନନ୍ଦ ଝା।
Tags:
