ରଣପୁର : ରଣପୁରରେ ମହୋତ୍ସବ-୨୦୨୬କୁ ସଫଳ କରିବା ପାଇଁ ଆଜି ଗୁରୁତ୍ୱପୂର୍ଣ୍ଣ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ବାଚସ୍ପତି ସୁରମା ପାଢ଼ୀଙ୍କ ଅଧ୍ୟକ୍ଷତା କରାଯାଇଥିବା ଏହି ବୈଠକରେ ବିଭିନ୍ନ ବିଭାଗର ଅଧିକାରୀ, ସାମାଜିକ ପ୍ରତିନିଧି ଓ ସଂସ୍କୃତି ପ୍ରେମୀମାନେ ଯୋଗ ଦେଇଥିଲେ। ଅନ୍ୟ ଅତିଥିମାନଙ୍କ ମଧ୍ୟରେ ସାଂସଦ ପ୍ରତିନିଧି ପ୍ରିୟବ୍ରତ ପ୍ରହରାଜ, ବିଡିଓ ମନୋଜ କୁମାର ନାୟକ, ତହସିଲଦାର ଆର୍ଯ୍ୟ କୁମାର ସର୍ବଦାମନ, ବିପିନ ବିହାରୀ ପାଢ଼ୀ, ବ୍ଲକ ଚେୟାରମ୍ୟାନ ନିର୍ମଳା ବେହେରା, ରଣପୁର ଏନଏସି ଚେୟାରମ୍ୟାନ ରଙ୍ଗୀନ ମହାନ୍ତି, ବରିଷ୍ଠ ବିଜେପି ନେତା ପରେଶ ମିଶ୍ର, ଅବସରପ୍ରାପ୍ତ ପ୍ରାଧ୍ୟାପକ ବିଜୟ କୁମାର ଜେନା, ଏବଂ ଅବସରପ୍ରାପ୍ତ ଶିକ୍ଷକ ତଥା କୋଷାଧକ୍ଷ ପ୍ରଶାନ୍ତ କୁମାର ମିଶ୍ର ସହ ମହୋତ୍ସବ କମିଟି ସମ୍ପାଦକ ସ୍ୱରାଜ ମହାନ୍ତି ପ୍ରମୁଖ ବୈଠକରେ ଉପସ୍ଥିତ ଥିଲେ।
ସାମ୍ବାଦିକ, ଶିକ୍ଷକ, ସମାଜସେବୀ, ଅଗ୍ନିଶମ ବିଭାଗ, ବନ ବିଭାଗ, ବିଦ୍ୟୁତ ବିଭାଗ, ମେଡିକାଲ ବିଭାଗ ଓ ଯୁବ ଗୋଷ୍ଠୀ ପ୍ରତିନିଧିମାନେ ମଧ୍ୟ ବୈଠକରେ ସକ୍ରିୟ ଭାବେ ମତ ପ୍ରକାଶ କରିଥିଲେ।
ବୈଠକରେ ସାମ୍ବାଦିକ ବ୍ରଜ ରଣସିଂହ ରଣପୁରର ରାଜାମାତା ସ୍ୱର୍ଗତ ରାଣୀ ବସନ୍ତ ମଞ୍ଜରୀ ଦେବୀଙ୍କ ସ୍ମୃତିରେ ମହୋତ୍ସବ ସାର୍ଟିଫିକେଟ ପ୍ରସ୍ତୁତ କରିବା ପାଇଁ ପ୍ରସ୍ତାବ ରଖିଥିଲେ, ଯାହାକୁ ସଭାରେ ସ୍ୱାଗତ କରାଯାଇଛି। ରଣପୁର ଅଞ୍ଚଳର ବିଭିନ୍ନ ଐତିହ୍ୟ ଓ ପରମ୍ପରାକୁ ନେଇ ଏକ ପ୍ରସ୍ତୁତ କରାଗଲେ ମହୋତ୍ସବକୁ ଆସୁଥିବା ଦର୍ଶକମାନେ ରଣପୁରର ପରମ୍ପରା ଓ ସଂସ୍କୃତି ବିଷୟରେ ଅବଗତ ହୋଇ ପାରନ୍ତେ ବୋଲି ଶିକ୍ଷକ ବିରୁପାକ୍ଷ ମହାପାତ୍ର ଓ ସାମାଜିକ କର୍ମୀ ସୁରେଶ ମହାରଣା ମତ ପ୍ରକାଶ କରିଥିଲେ।
ଗତ ବର୍ଷ ମହୋତ୍ସବ ଶାନ୍ତି ଓ ଶୃଙ୍ଖଳା ସହ କାର୍ଯ୍ୟସାଧନ ହୋଇଥିଲା ବୋଲି ସମସ୍ତେ ସନ୍ତୋଷ ପ୍ରକାଶ କରିଥିଲେ ଓ ଏବେ ବର୍ଷ ତାହାକୁ ଆହୁରି ସଫଳ ଓ ବ୍ୟବସ୍ଥିତ ଭାବେ କରିବାପାଇଁ ସମସ୍ତେ ଏକତ୍ର ହେବାର ଆହ୍ୱାନ ଦେଇଛନ୍ତି। ରଣପୁର ମହୋତ୍ସବର ପ୍ରସ୍ତୁତିକାର୍ଯ୍ୟ ବ୍ୟାପକ ଉତ୍ସାହ ଓ ସମ୍ମିଳିତ ପ୍ରୟାସର ମାଧ୍ୟମରେ ଆଗକୁ ବଢ଼ୁଛି।