ଚଳିତ ସପ୍ତାହର ତିନୋଟି ଦକ୍ଷିଣ ଭାରତୀୟ ଫିଲ୍ମ ରିଲିଜ୍ ହେବାକୁ ଯାଉଛି । ଦକ୍ଷିଣ ଭାରତର ଦୁଇ ସୁପରଷ୍ଟାର ଅଜିତ୍ କୁମାର ଏବଂ ନାଗାର୍ଜୁନଙ୍କ ସହିତ ଅମଲା ପଲ୍ଙ୍କ ତ୍ରିମୁଖୀ ଲଢେଇ ଦେଖିବାକୁ ମିଳିବ । ନାଗାର୍ଜୁନଙ୍କ ମନ୍ମଧୁଡୁ-2, ଅଜିଥ୍ କୁମାରଙ୍କ ନେରକୋଣ୍ଡା ପାରାବି ଏବଂ ଅମଲା ପଲଙ୍କ କୋଲାୟୁଧୀର କାଲାମ ଆସନ୍ତା ଶୁକ୍ରବାର ରିଲିଜ୍ ହେବାକୁ ଯାଉଛି । ମନ୍ମଧୁଡୁରେ ନାଗାର୍ଜୁନଙ୍କ ସହିତ ରକୁଲ ପ୍ରୀତ ସିଂ ମୁଖ୍ୟ ଭୂମିକାରେ ରହିଥିବା ବେଳେ ଏହା ଉଭୟ ତାମିଲ ଏବଂ ତେଲୁଗୁରେ ରିଲିଜ୍ ହେବ । ସେହିପରି ସୁପରହିଟ୍ ବଲିଉଡ୍ ଫିଲ୍ମ ପିଙ୍କର ତାମିଲ ରିମେକ୍ ହେଉଛି ନେରକୋଣ୍ଡା ପାରାବି । ଏହି ଫିଲ୍ମରେ ଅଜିତ୍ କୁମାର, ବିଦ୍ୟା ବାଲାନ, ଶ୍ରଦ୍ଧା ଶ୍ରୀନାଥ, ଅଭିରାମୀ ଏବଂ ଆଣ୍ଡ୍ରିଆ ଟାଇରାଙ୍ଗ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମଟି ମଧ୍ୟ ଉଭୟ ତାମିଲ୍ ଏବଂ ତେଲୁଗୁ ଭାଷାରେ ରିଲିଜ୍ ହେବ । ଅନ୍ୟତମ ଫିଲ୍ମଟି ହେଉଛି କୋଲାୟୁଧୀର କାଲାମ । ମହିଳା କୈନ୍ଦ୍ରିକ ଏହି ଫିଲ୍ମର ଟ୍ରେଲରକୁ ଭଲ ପ୍ରତିକ୍ରିୟା ମିଳିଥିଲେ ମଧ୍ୟ ଏହା କେବଳ ତାମିଲ ଭାଷାରେ ରିଲିଜ୍ ହେବ ।
