ଆଜିଠାରୁ ମେଲ୍ବୋର୍ଣ୍ଣଠାରେ ୧୦ ଭାରତୀୟ ଫିଲ୍ମୋତ୍ସବ ଆରମ୍ଭ ହୋଇଛି । ଏହି ଉତ୍ସବରେ ଭାରତୀୟ ସିନେମାର ଅନେକ ତାରକାଙ୍କୁ ଦେଖିବାକୁ ମିଳିଥିଲା । ଶାହରୁଖ୍ ଖାନ୍, ବିଜୟ ସେଥୁପତି, ଗାୟତ୍ରୀ ଶଙ୍କର, ତବୁ, କରଣ ଜୋହର, ଶ୍ରୀରାମ ରାଘବନ୍, ରୀମା ଦାସ ଓ ଜୋୟା ଅଖତରଙ୍କ ପରି ଲୋକପ୍ରିୟ ଅଭିନେତା ଓ ନିର୍ମାତା ନିର୍ଦ୍ଦେଶକ ଏଠାରେ ଉପସ୍ଥିତ ରହିଥିଲେ । ଏହି ଉତ୍ସବରେ ଶ୍ରେଷ୍ଠ ଚଳଚ୍ଚିତ୍ର ପାଇଁ ବଲିଉଡ୍ ଫିଲ୍ମ ଅନ୍ଧାଧୁନ୍, ଗଲି ବୟ, ବଧାଇ ହୋ ଓ ସୁଇ ଧାରା ପରି ଫିଲ୍ମଗୁଡ଼ିକ ମନୋନୀତ ହୋଇଛନ୍ତି । ତେବେ ବିଜୟ ସେଥୁପତିଙ୍କ ତାମିଲ୍ ସୁପରହିଟ୍ ଫିଲ୍ମ ‘ଡିଲକ୍ସ’ ପାଇଁ ଶ୍ରେଷ୍ଠ ଅଭିନେତା ଓ ଏହି ଫିଲ୍ମର ନିର୍ଦ୍ଦେଶକ ତ୍ୟାଗରାଜନ୍ କୁମାରାଜାଙ୍କୁ ସମ୍ମାନିତ କରାଯାଇଛି । ସୁପରଷ୍ଟାର୍ ଶାହରୁଖ୍ ଏହି ଅବସରରେ ଦର୍ଶକଙ୍କୁ ସମ୍ବୋଧିତ କରିଥିବାବେଳେ ନିର୍ମାତା ନିର୍ଦ୍ଦେଶକ ମଞ୍ଚ ସମ୍ଭାଳି ଥିଲେ । ଅଗଷ୍ଟ ୮ରୁ ଅଗଷ୍ଟ ୧୫ ମଧ୍ୟରେ ହେବାକୁ ଥିବା ଏହି ଫିଲ୍ମୋତ୍ସବରେ ୬୦ଟି ଭାରତୀୟ ଫିଲ୍ମ ଓ ୨୨ରୁ ଅଧିକ ଭାଷାରେ ନିର୍ମିତ ଫିଲ୍ମଗୁଡ଼ିକ ପ୍ରଦର୍ଶିତ ହେବ ।
